Lotayamm

search
မာတိကာ

contents

ထိပ်ဆုံးစာမျက်နှာ > ဝတ္ထုများ

မစဉ်းစားချင်တော့ဘူးဆိုပြီး မစဉ်းစားပဲနေတဲ့အခါ
Chapter 1
မိုးသက်ဟန်

သူစဉ်းစားနေတယ်။ ဒါကြောင့် သူရှိတယ်။ ဒေးကားရဲ့စကားအရဆိုရင် သူရှိနေတယ်ပေါ့။ သူစဉ်းစားနေတယ်။ သူဘာစဉ်းစားရင်ကောင်းမလဲဆိုပြီးတော့ပေါ့။ နောက်တော့ သူစဉ်းစားမိတယ်။ စဉ်းစားတဲ့အကြောင်းကို စဉ်းစားမယ်ပေါ့။ စဉ်းစားတဲ့အကြောင်းကို စဉ်းစားရတာဟာ တကယ်တော့ မလွယ်ဘူး။ စဉ်းစားတဲ့အကြောင်းကို သူစဉ်းစားနေတုန်း အကြောင်းအရာမျိုးစုံဟာ သူ့ခေါင်းထဲ ရောက်ရောက်လာတယ်။ တစ်ဖျတ်ဖျတ်ခုန်နေတဲ့ ငါးတွေလို အတွေးတွေဟာ သူ့ရဲ့ စဉ်းစားခန်းထဲကို ခပ်မြန်မြန်ရောက်လို့လာတယ်။ ပြီးတော့ ဘာမှမဟုတ်ဘဲ ပြန်လည်ပျောက်ကွယ်သွားတယ်။ အခန်းထဲမှာ ရှိသမျှမီးလုံးတွေ ပိတ်လိုက်တဲ့အခါ ပကတိမှောင်သွားသလိုမျိုးပေါ့။ ဟုတ်တယ်။ အဲဒါတကယ်ပဲ။ ပကတိမှောင် သွားတယ်ဆိုတဲ့ စကားလုံးက အမှန်ဆုံးပဲ။ ဒါပေမယ့်လည်း စက္ကန့်ပိုင်းအတွင်းမှာပဲ ဟိုနားတစ်စ၊ ဒီနားတစ်စက ပြန်လင်းလာပြီး အတွေးတွေဟာ ထိုးထိုးထောင် ထောင်ဖြစ်လို့လာပြန်တယ်။ အဓိပ္ပါယ်မရှိတဲ့ မေးခွန်းတွေဟာ သူ့ရဲ့စဉ်းစားခန်းကို ပုဆိန်တွေ၊ ရဲဒင်းတွေနဲ့ လက်နက်အားကိုးပြီး ခုတ်ထစ်ဖျက်ဆီးနေသလိုပဲနောက်ငါးနှစ်နေရင် ငါဘာဖြစ်မှာလဲ ၊အသက်ကြီးလာလို့ ငါတစ်ယောက်တည်းဖြစ်နေရင်ကော ဘယ်လိုစားသောက်မလဲ၊ ဘ၀ရဲ့ အဓိပ္ပါယ်က ဘာလဲ ။ တော်တော်စိတ်ပျက်ဖို့ကောင်းတဲ့ မေးခွန်းတွေ။ သူဖမ်းမမိလိုက်တဲ့ ပုဆိန်ရိုး၊ ရဲဒင်းရိုးလို အတွေးတွေ အများကြီးပဲ။ ဒီကောင်တွေက လှစ်ခနဲရောက် လာပြီး ရှောင်တခင် တိုက်ခိုက်တယ်။ ပြီးတော့ ရုတ်တရက်ပျောက်ကွယ်သွားတယ်။ နောက်ထပ် သူ့ကို အစားဆုံးအတွေးတစ်ခု ရှိသေးတယ်။ ဒီကောင်က ဗလ နည်းနည်းတောင့်တဲ့ကောင်းပဲ။ ဘာတဲ့ . . . ဘ၀အာမခံချက်ဆိုလားပဲ။ ဘ၀အာမခံချက်ဟုတ်လား၊ Music လို စကားလုံးပဲ။ သောက်သုံးနည်းနည်းမှ မကျဘူး။ ဘယ်သူ့မှာများ အဲဒါကြီးရှိနေလို့လဲ။ သင်္ခါရဆိုတဲ့ကောင်က အားလုံးကိုဝါးမြိုမှာပဲ။ ဘာမှ မတည်မြဲဘူး။ လာပြန်ပြီ သင်္ခါရတဲ့။ ရှုပ်လိုက်တာကွာ။ သူ့ခေါင်းဟာ တစ်စက်မှ အနားမရရှာဘူး။ သနားစဖွယ်။ လူရယ်လိုဖြစ်လာရင် သနားစရာသတ္တ၀ါပဲပေါ့။ သူ့ကိုယ်သူ ဇာတ်သံနှောပြီး ပြောပြန်နေတယ်။ သူ့ကိုယ်သူ ဇာတ်သံနှောပြီးပြောနေတာပဲလို့ ပြန်တွေးမိတော့ သူတစ်ယောက်ထဲ ရယ်မိပြန်တယ်။ ဟား . . . ဟား . . . ဟား။ တယ်လည်းရယ်ရတဲ့ကောင်။ သူ့ကိုယ်သူပြန်ပြောရင်း ဘာလို့ရယ်ရတာလဲလို့ စဉ်းစားမိပြန်တယ်။ ဟ . . . ဒုက္ခပဲ။ ဘာဒုက္ခလဲ။ သူတစ်ယောက်ထဲ ရှင်းမရ အောင်ရှုပ်နေပြီ။ ဟုတ်တော့ ဟုတ်နေပြီ . . . ကိုယ့်လူ။ သူတစ်ယောက်ထဲ ရေရွတ်နေပြန်တယ်။ အမယ်ဘုတ်နဲ့ သူချည်ခင်ဆိုတဲ့စကားလိုပဲ သူတစ်ယောက်ထဲ ရှုပ်လို့နေတယ်။ တစ်ယောက်ထဲ ရှုပ်ထွေးနေတဲ့သူဟာ အိပ်ယာထဲကနေထပြီး ပြတင်းပေါက်နားက ခုံမှာ သွားထိုင်နေလိုက်တယ်။ စီးကရက်တစ်လိပ်ကို မီးညှိလိုက်ပြီး အ ပြင်ကို ငေးကြည့်နေလိုက်တယ်။ ပြတင်းပေါက်ကနေတဆင့် ကပ်လျက်ရှိနေတဲ့ ပန်းခြံကိုတွေ့ရတယ်။ ပန်းခြံဆိုတာ စုံတွဲတွေချောင်ခိုပြီး ဟိုနှိုက်ဒီနှိုက်လုပ်လို့ရတဲ့ နေရာမဟုတ်ဘူး။ Park လို့ခေါ်တဲ့ ပန်းခြံပေါ့။ မိသားစုတွေ လာကြတယ်။ ကလေးတွေ ဆော့ကစားဖို့ နေရာရှိတယ်။ လူကြီးတွေထိုင်ပြီး စာအုပ်ဖတ်လို့ရတဲ့ ခုံတွေရှိတယ်။ သစ်ပင်၊ ပန်းပင်တွေရှိတယ်။ ငှက်တွေလည်း ဟိုဟိုဒီဒီ ပျံနေကြတယ်။ သူ့ခေါင်းထဲကိုလည်း စကားလုံးတစ်လုံးရောက်လာပြန်တယ်။ မိသားစုတဲ့။မိသားစု။ မိသားစု။ မိသားစု။ မိသားစု။ မိသားစုဟာ သူ့ခေါင်းထဲကနေ ပြန်မထွက်သေးဘူး။ မိသားစုဆိုတာဘာလဲ။ သူစဉ်းစားရပြန်တယ်။ မိသားစုဆိုတာ နွေးထွေးမှုလား။ မိသားစုဆိုတာ နှောင်ဖွဲ့မှုလား။ သူမသိဘူး။ သူ့မှာ သူ့ကိုယ်ပိုင်မိသားစုဆိုတာ မရှိဘူးလေ။ တစ်ချိန်ကတော့ သူဟာ မိသားစုဝင်ဖြစ်ဖူးတယ်။ ခုတော့သူတစ်ယောက်ထဲပဲ။ မိသားစုဟာ ခပ်စိမ်းစိမ်း ခံစားမှုမျိုးပဲ သူ့ကိုပေးနေတယ်။ သူ့အတွေးဟာ တစ်ပိုင်းတစ်စနဲ့ ရပ်တန့်သွားတယ်။ သူဟာ တစ်ယောက်ထဲ နေရတဲ့ သူ့အဖြစ်ကို ပန်းခြံကို ငေးကြည့်နေရင်းနဲ့ သတိပြုလာမိတယ်။ သူဟာတစ်ယောက်ထဲ။တစ်ယောက်ထဲဆိုတာကို သူတွေးမိပြန်တယ်။ တစ်ယောက်ထဲဆိုတော့ သူစကားပြောစရာမလိုဘူးပေါ့။ စကားမပြောရတော့ကော ဘာဖြစ်သေးလဲ။ မပြော ရုံပဲပေါ့။ တစ်ခါတစ်လေ သူရက်ပေါင်း အတော်ကြာအောင်စကားတစ်ခွန်းမှ မပြောရဘူး။ တစ်ယောက်ထဲ ဆိုတာဟာ စကားမပြောဘဲနေရတာကိုဆိုလိုတာပေါ့။ တစ်ယောက်ထဲဆိုတာဟာ အထီးကျန်တာလား။ သူ့ဦးနှောက်က သူ့ကိုမေးနေတယ်။ ဟုတ်မှာပေါ့ တစ်ယောက်ထဲနေတာဟာ အထီးကျန်တယ်လို့ ပြောရင်ရမယ်။ ဒါပေမယ့်လည်း မသေချာပါဘူး။တစ်ယောက်ထဲဟာ အထီးကျန်ချင်းလို့လဲ မဆိုနိုင်ပြန်ဘူး။ သူစကားပြောချင်လာတဲ့အခါ တစ်ယောက်ထဲပဲ ပြောလိုက်တယ်။ တစ်ခါတစ်လေ သူ့ကိုယ်သူ အင်တာဗျူး လုပ်ဖြစ်တယ်။ “တစ်ယောက်တည်းနေရာတာကို မင်းကြိုက်လား”“ကြိုက်တယ်။ ဒါပေမဲ့ မကြိုက်ဘူး”“မင်းဘာတွေ ခံစားနေရသလဲဆိုတာကိုရော သိလား”“မသိဘူး။ ခံစားမှုတွေဟာ ရာသီဥတုတွေလိုပဲ ပြောင်းလဲတယ်”“မင်းဟာ အထီးကျန်မှုနဲ့ မွေ့လျော်နေတယ်လို့ ပြောလို့ရမလား”“မရဘူး။ တစ်ခါတစ်လေ တစ်ယောက်ယောက်နဲ့ စကားပြောချင်တယ်။ ဘာအကြောင်းပဲ ဖြစ်ဖြစ်၊ ဒုတိယကမ္ဘာစစ်အကြောင်းပဲဖြစ်ဖြစ်၊ ဘောလုံးပွဲအကြောင်းပဲ ဖြစ်ဖြစ် ဘာမဆိုပြောလို့ရတယ်။ တစ်ခါတစ်လေ ဆန့်ကျင်ဘက်လိင် တစ်ယောက်ယောက်နဲ့ အတူရှိချင်တယ်။ အဲဒါပါပဲ”“ဒါဆို မင်းအခုမပျော်ဘူးပေါ့။ မင်းဆီမှာ ပျော်ရွှင်မှုမရှိဘူးပေါ့”“မပျော်ဘူး။ ပျော်တယ်ဆိုတာ ဘာကိုပြောတာလဲ။ ပျော်ရွှင်မှုဆိုတာဘာလဲ”သူနဲ့တစ်ကိုယ်တော် အင်တာဗျူးဟာ ရပ်တန့်သွားပြန်တယ်။ ရုတ်တရက် ရပ်တန့်သွားတဲ့ လျှပ်စီးပတ်လမ်းကြောင်းလိုပဲ။ သူဟာ အခိုက်အတန့်အားဖြင့် ဗလာဖြစ်သွားတယ်။ ဗလာ၊ ဗလာ၊ ဗလာ၊ ဗလာ။ ဗလာတွေဟာ တစ်ဝုန်းဝုန်း ဆူပွက်သွားတယ်။ သူ့ခေါင်းထဲမှာ ဗလာတွေ ပလုံစီတက်လို့နေတော့တယ်။ ဗ လာတွေအများကြီးပြီးတဲ့နောက် သူဟာ အသိပြန်ဝင်လာတယ်။ ပျော်ရွှင်မှုတဲ့ ပျော်ရွှင်မှုဆိုတာကို သူစဉ်းစားလို့ မရပြန်ဘူး။ ဒီစကားလုံးဟာ သူ့အတွက် စဉ်း စားရခက်တဲ့ စကားလုံးပဲပေါ့။ ပျော်ရွှင်မှုအကြောင်းတွေးမိတဲ့အခါ မပျော်ရွှင်မှုဟာ သူ့ရင်ထဲက ပျို့တက်လာတယ်။ အော့အန်ချင်လောက်အောင် ဖြစ်လို့လာတယ်။ ဒီတော့ သူသဘောပေါက်လိုက်တယ်။ သူ့အတွေးတွေဟာ သူ့ကို ကိုက်ခဲနေတယ်ဆိုတာကိုပေါ့။ အတွေးတွေကို ရပ်ပစ်လိုက်တော့မယ်။ အတွေးတွေဟာ သူ့ကို ဒုက္ခပေးနေတယ်။လက်ရှိရင်ဆိုင်နေရတဲ့ ပြဿနာတွေကို ဖြေရှင်းဖုိ့ သူနည်းလမ်းရှာရပြန်တယ်။ ဒီတော့ သူစဉ်းစားပြန်တယ်။ စဉ်းစားခြင်းဟာ သူ့အပါးကနေ မဖယ်ခွာပဲ ပေးကပ်နေတယ်။ မတတ်နိုင်ဘူးလေ။ နောက်ဆုံးအနေနဲ့ဖြစ်ဖြစ် ထပ်စဉ်းစားရတော့မှာပေါ့။ဟုတ်ပြီ။ ဟုတ်ပြီ။ နောက်ဆုံးတော့ သူအဖြေတစ်ခုကိုရရှိသွားပြီ။ သူဟာ လက်ဖျောက်တစ်ချက်တီးပြီး လေတောင်ချွန်လိုက်သေးတယ်။ သူတော်တော်ပျော် သွားတယ်။ သူ့ကို ကိုက်ခဲနေတဲ့ အတွေးတွေကို ရှင်းထုတ်ပစ်နိုင်တော့မယ်။ တော်တော် တော်တဲ့ ငါပါလားလို့လည်း သူတွေးလိုက်သေးတယ်။ ပြီးတော့ ချက် ချင်းပဲ သူ့ရဲ့ စိတ်ကူးကို အကောင်အထည်ဖော်တယ်။ သူသေတ္တာတစ်လုံးရှာပြီး ယူလာတယ်။ ဒီသေတ္တာထဲကို သူ့ကို နှောင့်ယှက်နေသမျှ အတွေးတွေကို ပစ်ထည့်လိုက်မယ်။ ပြီးရင် အေးအေးဆေးဆေးနေပစ် လိုက်မယ်။ သူတွေးရင်း ပျော်လာတယ်။ ဒီသေတ္တာကို မောင်ချောနွယ်ရဲ့ ကဗျာတစ်ပုဒ်လို “မစဉ်းစားခြင်း သေတ္တာ”လို့ နာမည်ပေးလိုက်တယ်။မစဉ်းစားခြင်းသေတ္တာ။မစဉ်းစားခြင်း သေတ္တာထဲကို သူ့အတွေးကို သူ့အတွေးကို ခေါက်ထည့်ပစ်လိုက်မယ်။ ပြီးရင်သော့ခတ်ထားလိုက်မယ်။ ငါတော်တော်အကြံပိုင်တာပဲလို့ တွေး မိပြီး သူရယ်မောလို့နေလေရဲ့။အခန်းထဲမှာ မစဉ်းစားခြင်းသေတ္တာပေါ်မှာ၊ အမှောင်ပျစ်ပျစ် တိတ်ဆိတ်မှုထဲမှာ၊ ဘာမှန်းမသိတဲ့ ခပ်တွေတွေ ဆိတ်ငြိမ်ခြင်းကြီးထဲမှာ သူထိုင်နေတယ်။ သူ တစ်ယောက်ထဲပဲ။ သူတစ်ယောက်ထဲ ထိုင်နေတယ်။သူစီးကရက်ဖွာလိုက်တယ်။ သူဒူးနှန့်နေတယ်။ အေးဆေးပဲ။ ဒီလိုမျိုးလေးနဲ့ သူအဆင်ပြေနေတယ်။ သူဟာကောင်းတဲ့ အရသာမျိုးကို ခံစားနေရတယ်။ သူ့ ဦးနှောက်ထဲကိုလည်း ဘာမှရောက်မလာဘူး။ သူမျက်လုံးလေးတွေ စင်းနေလိုက်ပြီး လှုပ်ရှားမှုကင်းမဲစွာ နေလိုက်ပြန်တယ်။နာရီလက်တံဟာ တစ်တောက်၊ တစ်တောက်နဲ့ ရွေ့လျားလို့နေတယ်။ အချိန်တွေ ရွေ့လျားနေတယ်။ ညဟာတဖြည်းဖြည်း ရင့်မှည့်လာတဲ့အခါမှာတော့ သူ ဟာ မစဉ်းစားခြင်းသေတ္တာပေါ်မှာ လဲလျောင်းအိပ်စက်ပစ်လိုက်တယ်။ သူ့အိပ်စက်မှုထဲကို ဘယ်လိုအိပ်မက်မျိုးမှ ရောက်လို့မလာဘူး။ သူဟာ အိပ်မက်ကင်းမဲ့ဇုန်တစ်ခုလိုပဲ။ အိပ်စက်ခြင်းကလွဲလို့ ဘာကိုမှ မခံစားရဘူး။မစဉ်းစားခြင်း သေတ္တာပေါ်က သူဟာမစဉ်းစားခြင်းရဲ့ အရသာကို ခံစားလို့ခံစားနေရမှန်းမသိပဲ ခံစားလို့နေလေရဲ့။နေရောင်ခြည်ဟာ ကော်ဖီခွက်ထဲမှာ အတင်းခုန်ဝင်လို့နေတယ်။ ကော်ဖီခွက်ဟာ စားပွဲပေါ်မှာ။ သူဟာ စားပွဲပေါ်မှာ ကော်ဖီတစ်ခွက်နဲ့အတူ မနက်ခင်းတစ်ခုကို သူဖြတ်သန်းစီးဆင်းလို့နေတယ်။ သူကော်ဖီသောက်ရင်း ငေးမောတွေဝေလို့နေတုန်းပဲ မစဉ်းစားခြင်းဟာ သူနဲ့အတူ ရှိနေတုန်းပဲ။ ကော်ဖီသောက်နေရင်းကနေ သူလမ်းထလျှောက်ယ်။ အခန်းထဲမှာပဲ။ ဒါပေမဲ့ ခဏနေတော့ အပြင်ကိုထွက်လို့လာတယ်။ အပြင်ထွက်ပြီးလမ်းလျှောက်ရင် ပိုကောင်းမယ်ဆိုတဲ့ အတွေးဟာ သူ့ခေါင်းထဲကို တိုးဝင်ရောက်ရှိခဲ့ရာကနေ သူအပြင်ကိုထွက်လာဖြစ်ခဲ့တာပါပဲ။ မစဉ်းစားခြင်းဟာ သူနဲ့အတူ အကြာကြီးမနေဘူး။ မစဉ်းစားခြင်းထွက်ခွာသွားတဲ့နောက် အတွေးသူ့ဆီရောက်လာတော့မယ်ဆိုတာ သူသိနေတယ်။ လူအုပ်ကြီးထဲမှာ သူမင်မပျက်လျှောက်လို့နေတယ်။ အတွေး တွေကျူးကျော်နှောင့်ယှက်မှာကို သူကြောက်ရွံ့လို့နေတယ်။ဆောင်းတွင်းအရင့်မာကြီးရဲ့ မနက်ခင်းလေးဟာ အေးစက်လွန်းအားကြီးတယ်။ လူတွေဟာ လမ်းပေါ်မှာပြန့်ကြဲပြီး လျှောက်သွားလို့နေတယ်။ လူတွေဟာလည်း သူလို တစ်ယောက်ချင်းစီသွားနေကြတာပဲဆိုတာကို သူသတိထားမိလာတယ်။ လူတွေဟာ တစ်ယောက်တည်းတွေကြီးပဲလားလို့ တွေးမိပြီး သူ့ရဲ့တစ်ယောက်ထဲ ဖြစ်လာမှုကို ပြန်လို့ နှစ်သိမ့်နေမိတယ်။ သူလမ်းလျှောက်နေတယ်။ ဦးတည်ရာမဲ့စွာ သူလမ်းလျှောက်လို့နေတယ်။ လမ်းလျှောက်နေရင်းကနေ လမ်းလျှောက်ခြင်းဟာ မိုက်သားပဲလို့ လမ်းလျှောက်ခြင်း အကြောင်းကို သူတွေးမိပြန်တယ်။ အဖော်တစ်ယောက်ယောက်နဲ့ဆို ပိုကောင်းမလားမသိဘူး။ စကားပြောရင်း၊ တစ်ယောက်လက်ကို တစ်ယောက်ဆွဲထားရင်းပေါ့။ဒီအတွေးက သူရဲ့ တည်ငြိမ်နေမှုကို ပျက်ပြားစေမယ့်အတွေးမျိုးပဲဆိုတာ သတိထားမိလို့ သူထိတ်လန့်မိတယ်။ သူ့ရဲ့ တည်ငြိမ်မှုကို အထိပါးမခံချင်ဘူး။ အဲ့ဒါကြောင့်ပဲ သူဟာ အာရုံပြောင်းတဲ့အနေနဲ့ လမ်းပေါ်မှာ ဖြတ်မောင်းနေတဲ့ နံပါတ်တွေကို အဓိပ္ပါယ်မဲ့စွာ လိုက်ကြည့်နေမိလေရဲ့။ “မင်းကတော်တော် အူကြောင်ကြောင်နိုင်တဲ့ ကောင်ပဲ”လို့ သူတွေးနေမိပြန်တယ်။ ဘာမှန်းမသိပဲ ကားနံပါတ်တွေ လျှောက်ကြည့်နေတဲ့ သူ့အဖြစ်သူ တွေးမိပြီးတော့ ရယ်ချင်ပက်ကျိဖြစ်မိပြန်တယ်။ သူရေကန်တစ်ကန်ဘေးနားကို ရောက်လို့လာတယ်။ ရေကန်ဘေးက ထိုင်ခုံလေးပေါ်မှာ သူဝင်ထိုင်လိုက်တယ်။ သာယာတဲ့မနက်ခင်းတစ်ခုမှာ လူတစ်ယောက် ရဲ့ တိတ်ဆိတ်သောပျော်ရွှင်မှုပဲလို့ သူက သူ့ကိုယ်သူ တံဆိပ်ကပ်လိုက်သေးတယ်။ ရေကန်ထဲမှာပဲ ငန်းတွေဟာ ဟိုဟိုဒီဒီ ကူးခတ်လို့နေတယ်။ ၀မ်းဘဲတွေကလည်း ရေထဲ ငုပ်လိုက်၊ လေထဲပျံဝဲလိုက်နဲ့ ဆော့ကစားလို့နေကြတယ်။ မြင် ကွင်းက ကြည်နူးစရာပါပဲ။ သူကြည်နူးနေမိတယ်။ ကြည်နူးနေရာကနေ သူ့ခေါင်းထဲကို အတွေးတွေဝင်ရောက်လို့ လာပြန်တယ်။ အရင်ဆုံးရောက်လာတဲ့အကြောင်းက မစဉ်းစားခြင်းဆိုတဲ့အကြောင်းပေါ့။ မစဉ်းစားပဲ နေရတာဟာ မိုက်တယ်။ ဒါပေမဲ့ မစဉ်းစားပဲကြာကြာနေလို့မှ မရတာ။ တစ်ခုမဟုတ်တစ်ခုခုကို စဉ်းစားနေရတာပဲလေ။ စားဖို့၊ သောက်ဖို့ကစလို့ အကြောင်းတရားမျိုးစုံကို စဉ်းစားနေရတယ်။ စဉ်းစားပြီးရင်း စဉ်းစားနေကြတယ်။ ဟူး . . .မလွယ်လှပါဘူး။ လူဖြစ်ရတဲ့ ဒုက္ခဆိုတာတ ကယ်ပါပဲ။ တစ်ခါတစ်လေကျတော့လည်း စဉ်းစားရတာ ပျော်ဖို့ကောင်းသလောက်၊ တစ်ခါတစ်လေကျတော့လည်း စဉ်းစားရတာ စိတ်ပျက်ဖို့ကောင်းပြီး မွန်းကျပ် လွန်းလှတယ်။ ဒီတော့ မစဉ်းစားတာက ပိုကောင်းတယ်။သူရဲ့ မစဉ်းစားခြင်းသေတ္တာကို ပြန်သတိရလို့လာတယ်။ မစဉ်းစားခြင်းသေတ္တာထဲကို သူမစဉ်းစားချင်တာတွေကိုတော့ တတ်နိုင်သလောက်ထည့်ထားပြီးသွားပြီ။ ဒါပေမဲ့ နောက်ထပ်သူမစဉ်းစားချင်တာတွေဟာ ထပ်ထပ်ပြီးရောက်လို့လာနေတုန်းပဲ။ပျော်ရွှင်ချမ်းမြေတဲ့ဘ၀တဲ့။ဟူး . . . စိတ်ပျက်ဖို့ကောင်းလိုက်တာ။ ဘယ်လိုများဖြစ်နိုင်မှာလဲ။ ပူပန်သောကတွေက မိုးတွေလို အမြဲတမ်းရွာချနေတယ်လေ။ လောကကြီးကိုမေ့နေလား။ မဖြစ်နိုင်တာတွေ မပြောစမ်းပါနဲ့။အဆင်ပြေပြေနေချင်တယ်။အိုး . . .ပိုလို့တောင်ဆိုးလာပြီ။ အဆင်ပြေပြေနေချင်တဲ့သူ့မှာ အလုပ်ကလေးတစ်ခုတောင်မရှိဘူး။ ဘယ်လိုလုပ်အဆင်ပြေနိုင်မှာလဲ။နာမကျန်းဖြစ်ရင် ဘယ်လိုလုပ်မလဲ။ဆေးရုံသွားလေ။ ဆေးရုံမှာသွားကုပေါ့။ ဆေးရုံမှာကုဖို့ သူ့မှာပိုက်ဆံမရှိတာကို ပြန်သတိရလာတယ်။ အဲဒါမှဒုက္ခ။ အဲ့ဒီအချိန်ကျရင် သူဒုက္ခရောက်ရုံပဲ ရှိတော့တာပေါ့။ ဘယ်တတ်နိုင်မလဲ။ ရှုပ်လိုက်တဲ့အတွေးကွာ။သူ့ကိုယ်သူ အာရုံနောက်စပြုလုပ်တယ်။ အနာဂတ်တုန်လှုပ်မှုလို့လည်း သူက ခေါင်းစဉ်တပ်လိုက်သေးတယ်။ အနာဂတ်တုန်လှုပ်မှု၊ အနာဂတ်တုန်လှုပ်မှု။ သူ့ခေါင်းတွေ ချာချာလည်စပြုလာတယ်။ သူမစဉ်းစားချင်တော့ဘူး။ မစဉ်းစားခြင်းသေတ္တာထဲကို ထည့်စရာအတွေးတွေ သူမှာအများကြီး ရှိနေသေးတယ်။ ပြီးတော့နောက်ထပ်ရောက်လာမှာတွေက လည်းရှိသေးတယ်။ နောက်ဆုံးသူ အကောင်းဆုံးဆုံးဖြတ်ချက်တစ်ခု ချမှတ်လိုက်တယ်။ အဲ့ဒီဆုံးဖြတ်ချက်ချလိုက်ပြီးတော့မှ သူစိတ်တွေပေါ့ပါးပျော်ရွင်သွားတယ်။မစဉ်းစားခြင်းသေတ္တာထဲကို သူ့ကိုယ်သူ ထည့်လိုက်မယ်။ မစဉ်းစားခြင်းသေတ္တာထဲကို သူ့ကိုယ်သူ ထည့်လိုက်မယ်။ သူမစဉ်းစားတော့ဘူး။ ဒါကြောင့်သူမရှိတော့ဘူး။ ဒီတော့ ဒေးကားလည်း မရှိတော့ဘူး။ အနာဂတ်တုန်လှုပ်မှုတွေ၊ ဘာတွေလည်း မရှိတော့ဘူး။အားလုံးအဆင်ပြေလို့သွားတယ်။

ပင်မစာမျက်နှာသို့ပြန်သွားမည် >>

နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။