Lotayamm

search
မာတိကာ

contents

ထိပ်ဆုံးစာမျက်နှာ > ဝတ္ထုများ

ချောင်းမကြီး ရေလျှံတုန်းက သန်းခ ဘာလုပ်နေလဲ
အစ/အဆုံး
မြင့်သန်း

(၁)
သန်းခ တစ်ယောက် ရှိရှိ မရှိရှိ လောကကြီးကတော့ သိပ်ထူးလာမှာ မဟုတ်ဘူး။ ဒါပေမယ့် သင်းကို ဆန်ကုန်မြေလေး လို့တော့လည်း မခေါ်လောက်ဘူး။ အဲသလို ခေါ်မယ်ဆို သန်းခ အပြင် ခေါ်စရာ လူတွေက အပုံချည်းပဲ။ လောကကြီးက သင်းရှိနေလို့ သိပ်မထူးသလို သင်းကလည်း လောကကြီးရှိနေတာ သူ့အတွက် ဘာမှ မထူးဘူးလို့ကို ထင်တာ။ သူထင်ရာ သူလျှောက်လုပ်နေတဲ့ လူမျိုး။ မောင်ဆင်က သူ့ကို ခေါ်ပုံသာကြည့် “ဆယ့်တစ်လက်မ သန်းခ” တဲ့။ ဒီကိစ္စတော့ မတော်မတည့်တွေ လျှောက်မတွေးကြခင် ခုကတည်းက ရှင်းထား စမ်းပါရစေ။

ဒီကောင်က လက်သမား နောက်လိုက်၊ ပန်းရံ နောက်လိုက် လုပ်တယ်။ အလုပ်အကိုင်ကလည်း တော်ပါတယ်။ သို့သော် သူ အတွေး ပေါက်တဲ့အခါ ထင်ရာလုပ်တဲ့ လူမျိုး။ တစ်နေ့တော့ စာသင်တိုက်ကြီးက ဆရာတော်ကြီးရဲ့ စံကျောင်း အပေါ်ထပ် ဆင်ဂလယ် (ဆင်ကပ်လယ်) က လက်ရန်းတန်းတွေ ပြုပြင်တယ်။ ဒီတော့ ထုံးစံအတိုင်း သက်ကယ်သောင် မောင်ဆင်က ဦးစီးရတာပေါ့။ နောက်လိုက်က သန်းခရယ်။

အဲဒီတုန်းက မောင်ဆင်က အောင်မင်္ဂလာကျောင်း ဆွမ်းစားဆောင်လည်း ပြင်နေရတော့ နှစ်ဖက်ခွ လုပ်နေရရှာတယ်။ အဲဒီမှာက သောင်းစိန်တို့ လူသိုက် ရှိတယ်။ ဆရာတော်ကြီးရဲ့ ကျောင်းက လက်ရန်းတွေ လဲတယ် ဆိုပေမယ့် တစ်ချီတည်း မိချောင်းတုံးတွေလည်း လဲလိုက်ရတော့တာကိုး။ အဲဒါတွေ လဲပြီးတယ် ဆိုရင်ပဲ အမှန်မှာတော့ ကိစ္စပြီးသလောက်ပဲ။

အပေါ်က လက်ရန်းတန်းရိုက်ပြီး အောက်ကထောက်တဲ့ အဆာတန်းတွေ ရိုက်တယ် ဆိုတာက သိပ်လုပ်စရာမှ မရှိတော့ပဲ။ တစ်ခုပဲ။ မောင်ဆင်က သဒ္ဓါစိတ်ကလေးနဲ့ ဆိုတော့ အဆာတန်းကို ရိုးရိုးတန်းမရိုက်ချင်ဘူး။ ဆနွင်းမကင်းကွက် ဖော်ချင်တယ်။ ဒီတော့ သန်းခကို အကျိုးအကြောင်း ပြောပြီး သူလိုချင်တဲ့ အရှည်အတိုင်း နှစ်တစ်မတ်တွေ ဖြတ်ခိုင်းထားပြီးတော့ အောင်မင်္ဂလာ ကျောင်းဖက် က လာပြီး ဦးစီးနေတယ်။ အဲဒီနေ့က ဒီဖက်မှာ သူမရှိလို့ မဖြစ်ဘူး။ ဆွမ်းစားဆောင် နောက်ဘက် လျှောသွားတာကို ဒုန်းကလားတွေ ဘာတွေနဲ့ ထောက်ပြီး ပြန်မတ်ရတာ ဆိုတော့ သူရှိဖို့ လိုတယ်။

နောက်နေ့တော့ မောင်ဆင် တစ်ယောက် ဆရာတော်ကြီး ကျောင်းကို စောစော ရောက်လာတယ်။ သောင်းစိန်တို့ လူသိုက်တောင် ပါလာ ကြသေးတယ်။ ဒီဖက်မှာ အပြီးသတ် ဝိုင်းလုပ်ကြပြီး ဟိုဖက်ကို ပြောင်းကြရအောင်လို့။ ဒီလိုနဲ့ မောင်ဆင်က တန်းစရိုက်တယ်။ သူက အခံတန်းတွေ စရိုက်သွားတော့ ဟုတ်သပေါ့။ ဒါပေမယ့် သူ့နောက်က ပိုးပြီး လိုက်ရိုက်လာတဲ့ သောင်းစိန်ကျတော့ တန်းတွေက မဝင်ဘူး။ ပထမတော့ သောင်းစိန်လည်း မပြောရဲဘူး။ သူ့ကို ညံ့တယ် ထင်မှာ စိုးတာကိုး။

အသင့်ဖြတ်ထားတဲ့သစ်သားတွေထဲက နှစ်ချောင်း သုံးချောင်းယူပြီး လဲရိုက်ကြည့်တယ်။ ဘယ်လိုမှ မဝင်ဘူး။ ဒီတော့မှ “ကိုမောင်ဆင် ခင်ဗျား တန်းတွေက မညီဘူး ထင်တယ်” လို့ မယုတ်မလွန် လှမ်းပြောလိုက်တယ်။ ဒီတော့ မောင်ဆင်က အနားမှာရှိတဲ့ သစ်, လေးငါး ချောင်းကို ယူပြီး လက်နဲ့ စုကိုင်ရင်း ကြမ်းခင်းပျဉ်ပေါ်မှာ ထောင်ပြီး ညှိကြည့်လိုက်တယ်။ ဒီတော့လည်း အညီသား။ သောင်းစိန်ကလည်း သူ့အနားက ဖြတ်ထားတဲ့ သစ်သားချောင်းတွေကို မောင်ဆင် လုပ်သလို လုပ်ကြည့်တော့လည်း ညီနေသား။

သောင်းစိန်လည်း ဘာဆက်ပြောရမှန်း မသိဘူး။ မောင်ဆင်ကတော့ ဆက်ပြီး ရိုက်သွားတယ်။ သောင်းစိန်ကတော့ အသာထသွားရင်း မောင်ဆင့် လွယ်အိတ်ထဲက လက်သမားကိုင် ခေါက်ပေတံ သွားထုတ်ပြီး သစ်သားတစ်ချောင်း ယူပြီး တိုင်းကြည့်တယ်။ ပြီးတော့မှ “ကိုမောင်ဆင်၊ ခင်ဗျားဟာတွေ တစ်ပေချောင်းတွေဗျ” လို့ လှမ်းပြောလိုက်တယ်။ မောင်ဆင်ကတော့ "ဟေ" လို့ပဲ ပြောပြီး အတော် ကြာအောင် ဘာမှ မပြောသေးဘူး။ တစ်ခုခုကို စဉ်းစား နေသလိုပဲ။

ပြီးမှ နောက်ဖက်နားဆီက သန်းခကို လှမ်းကြည့်ရင်း “ဟဲ့ကောင် ငါဖြတ်ခိုင်းထားတာ ဆယ့်တစ်လက်မလား၊ တစ်ပေလား” လို့ လှမ်းမေး လိုက်တယ်။ ဒီတော့ သန်းခက “ဆယ့်တစ်လက်မပါ၊ ဒါပေမယ့် ကျုပ်စိတ်ထဲမှာ တစ်လက်မလေးနဲ့ ကို့လို့ကန့်လန့် ဖြစ်သလို ဖြစ်လို့ ပိုပို သာသာ တစ်ပေ ဖြတ်ပေးထား လိုက်တာ” လို့ ပြန်ဖြေတယ်။ ဒီတော့မှ သက်ကယ်သောင် မောင်ဆင်လည်း လက်ထဲက တူကို ပစ်ချပြီး မအေတွေ နှမတွေနဲ့ စလိုက်ပြီး ဆဲနည်း ဆယ်မျိုးစလုံးကို ကုန်အောင် ဆဲပစ်တော့တာ။

အဲဒီတုန်းက ဆရာတော်ကြီး အပေါ်မှာ မရှိလို့ တော်သေးရဲ့။ မဆဲလို့လည်း မဖြစ်ဘူး၊ သင်းတို့တတွေ ပိုနေတဲ့ တစ်လက်မ ပြန်ဖြတ် ရတာနဲ့ မွန်းတိမ်းသွားတယ်။ မွန်းတိမ်းတော့ ဆရာတော်ကြီး ကျောင်းပေါ် ပြန်ကြွပြီး နေ့လယ်နေ့ခင်း ခဏ ကျိန်းလေတော့ အဲဒီနေ့က လက်တန်းဆက်ပြီး မရိုက်ဖြစ်ကြတော့ဘူးပေါ့။ အဲဒီကစလို့ သန်းခလည်း ဆယ့်တစ်လက်မ သန်းခလို့ တွင်ရော။ အဲဒီအကြောင်းတွေ ကြားတော့ တိုက်အုပ်ကတောင် မိန့်သေးတယ်။ “ဒီကောင်နဲ့တော့ အလိုက်သား။ ဒီကောင်ကလည်း ပေမပြည့်ဘူး” တဲ့။

(၂)
ဒါကလည်း ဟုတ်လောက်တယ်။ ကိုယ့်အတွေးနဲ့ကိုယ် နေတဲ့လူတွေကို တခြားလူတွေက “ပေမပြည့်ဘူး” လို့ ထင်တတ်ကြတယ် မဟုတ်လား။ သန်းခက သူ့အတွေးနဲ့ သူနေတာ။ ခင်မခံကုန်း ဘက်မှာ တောမီးလောင်တုန်းက သင်းလုပ်ပုံကို ကြည့်။ အဲဒီဘက်ဆီက မီးရောင်တွေကို ညဖက် လှမ်းတွေ့ကြရ ကတည်းက ရွာထဲ ရပ်ထဲမှာ ရှိတဲ့ ယောက်ျားသားတွေက လှည်းပြင်ပြီး မိုးမလင်းခင် အဲဒီဘက်ကို ကြိတ်ကြတော့တာ။ အရပ်ထဲမှာ ယောက်ျားသား မကျန်လောက်အောင်ပဲ။

ခင်မခံကုန်းက မီးရှိန်ကတော့ လျော့သွားပုံ မပေါ်ဘူး။ ဆွမ်းစားချိန်လောက် ရောက်တော့ စာသင်တိုက်ကြီးထဲမှာ မြေကြီးတူးသံ ကြားနေရတယ်။ တိုက်အုပ်လည်း အသံလာရာနောက် လိုက်လာတော့ ကုဋီအသစ် တူးနေတဲ့ သန်းခကို တွေ့လိုက်ရတယ်။ ဒီတော့ ဘုန်းကြီးလေးက “ဟကောင်၊ သန်းခကြီး မင်းက ဒီမှာ ဘာလုပ်နေတာတုံး။ အရပ်ထဲက လူတွေ အားလုံးလိုလို မီးဆီ သွားကြတယ် မဟုတ်လား” လို့ မေးသတဲ့။ ဒီတော့ သန်းခကြီးက ဘာပြန်ပြောတယ် မှတ်သတုံး။

“ခင်မခံကုန်းက မီးကို ဘယ်သူမှ သတ်လို့ရမှာ မဟုတ်ဘူး ဘုရာ့၊ ကုန်အောင် လောင်သွားပြီး ကုန်းခရိုးကျော်လို့ ကျောက်စပ်ဆီ ရောက်တော့မှ လောင်စရာ မရှိဘဲ သူ့ဘာသာ ရပ်သွားမှာ။ သိကြားမင်းကြီး ဆင်းလာတောင် ဘာမှလုပ်လို့ မရဘူး။ ဒါတော့လည်း မဟုတ်သေးဘူး။ သိကြားမင်းဆိုတာက တန်ခိုးရှိတယ် မဟုတ်လား ဘုရား။ တန်ခိုးရှိရင်တော့ တစ်မျိုး။ လူအနေနဲ့ကတော့ ဘာမှလုပ်လို့ ရမှာ မဟုတ်ဘူး။ သျှောင်သာ ကျွတ်မယ်၊ ဖွတ်ကိုတော့ မိမှာ မဟုတ်ဘူး။ ပြီးတော့ အဲဒီနားမှာ မီးငြိမ်းဖို့ ပက်စရာ ဘာရေမှ မရှိဘူး။ ထန်းရည်တောင် မရှိဘူး။ ဘယ်သူမှ ဘာမှလုပ်လို့ မရတဲ့ကိစ္စ။ ဒီတော့ တပည့်တော် အဲဒီ လိုက်သွားလည်း အပိုပဲ။ ဒီမှာ နေရစ်ပြီးတော့ ကုဋီကျင်း တူးတာကမှ အကျိုးရှိဦးမှာ …”

ကိုင်း ဒီတော့ ဘုန်းကြီးလေး အဖို့ ဘာမှပြောစရာ မရှိတော့ဘူး။ နောက်တော့ အရပ်ထဲက ကောင်တွေ ပြန်လာလို့ မေးကြည့်တော့ သန်းခပြောတဲ့ အတိုင်းပဲ။ ဘယ်သူမှ ဘာမှ မလုပ်နိုင်ဘူး။ စာသင်တိုက်ကြီးမှာတော့ ကုဋီကျင်း အသစ်နှစ်ခု အရံသင့် ရသွားတာပေါ့။

(၃)
ပြောမယ့်သာ ပြောရတယ်။ ကိုယ်တော်တွေက သန်းခတော့ အခင်ကြသား။ မောင်မင်္ဂလာ တရားတိုက်က ဓမ္မကထိက ကိုယ်တော်လေး ဦးပညာသာမိဆို သန်းခနဲ့ ပတ်သက်လို့ ပြောလေ့ရှိတာ တစ်ခုရှိတယ်။ "သန်းခကြီးကို မင်းတို့က အရူးအပေါလို သဘောထားပေမယ့် ဒီကောင်က မင်းတို့လို မဟုတ်ဘူး။ ဘုရား တရားတော့ မမေ့ဘူးဟ" လို့ အရပ်ထဲက ကောင်တွေကို ပြောတတ်တယ်။ အဲဒီလို ပြောရတာ ကလည်း အကြောင်းရှိတယ်။

တစ်နေ့တော့ ဘုန်းကြီးလေး ဦးပညာသာမိက ဆွမ်းဘုန်းပေးပြီးလို့ သူ့ကျောင်းဘက်ဆီ ပြန်ကြွလာတော့ ကျောင်းလှေကားရင်းမှာ ထိုင်နေတဲ့ သန်းခကို တွေ့တယ်။ ဒီတော့ ဘုန်းကြီးလေးက မေးသတဲ့။

“သန်းခကြီး အကြောင်းကြီးငယ် ရှိသလား”
သန်းခက ဖြေတယ်။
“တပည့်တော် သီလယူချင်လို့ပါ ဘုရား”
“ဟ ဒီကနေ့မှ တောဖိတ် ရှိသေးတာပဲ။ မင်း ရက်မှား နေသလား”
“မမှားပါဘူး ဘုရား။ သန်ဘက်ခါကျတော့ တံတားထိပ် ကားဆိပ်မှာ တပည့်တော်တို့ မန္တလေးရမ် ဆိုတာ သွားသောက်ကြမယ်လို့ သောင်းစိန်တို့နဲ့ ချိန်းထားတယ် ဘုရာ့။ အဲဒါကလည်း ချိန်းထားကြတာ ကြာပြီဆိုတော့ မဖျက်ချင်ဘူး။ ဒီတော့ အချိန်ရှိတုန်းလေး လုပ်စရာရှိတာ လုပ်မလားလို့ပါ ဘုရား”

ဘုန်းကြီးလေး ဦးပညာသာမိလည်း ဘာပြောနိုင်တော့မှာတုံး။ "အေး ... အေး ..." လို့ပဲ ပြောပြီး ကျောင်းပေါ်ခေါ် သီလပေးတယ်။ ဒါတင် ဘာဟုတ်သေးလို့လဲ။ သန်းခကို ဘုန်းကြီးလေးက ဥပုသ်စောင့်တယ် ဆိုမှတော့ ဥပုသ်နဲ့ တူအောင်နေ ဆိုပြီး ကျောင်းဝန်းအပြင် မထွက်ခိုင်းတော့ဘဲ ဆွမ်းစားဆောင်မှာပဲ မွန်းမလွဲခင် ကျောင်းက ကပ္ပိယကြီးတွေနဲ့ ထမင်းစားခိုင်း လိုက်သေးတယ်။ ဒီတော့လည်း ကာလသား တချို့ကတောင် ပြောကြသေးတယ်။ သန်းခတစ်ယောက် တရားတိုက်ဆီမှာ စားကြော မိသွားပြီတဲ့။ မလိုလို့ ပြောကြတာ တော့ မဟုတ်ပါဘူး။ ရယ်စရာ နောက်စရာ အဖြစ်နဲ့ ပြောကြတာ နေမှာ။

သင်းက ဥတစ်လုံး တစ်ကောင်ကြွက်ဆိုတော့ သနားတော့ သနားကြပါတယ်။ ခက်နေတာက သင်းပဲ။ သူ့အတွေးနဲ့သူ လုပ်ချင်ရာ လုပ်တဲ့လူမျိုး ဆိုတော့ တစ်ခါတစ်ခါတော့ အံသိပ်မဝင်ချင်ဘူးပေါ့။

(၄)
ဒီဘက်ဆီမှာကလည်း မြို့လို မဟုတ်တော့ တစ်ခုခု ထူးထူးခြားခြားကလေး ဆိုရင် ပြောလို့ကို မပြီးတော့ဘူး။ ဘိုးအုန်းပွင့်တို့များဆို သေသာသွားရော “တို့ငယ်ငယ်က၊ လငပုတ် ဖမ်းတုန်းက ...” ဆိုတဲ့ အကြောင်းက ပြောလို့ကို မပြီးနိုင်ဘူး။ ဒါတင် ဘာဟုတ်သေးလဲ။ ကိုထွန်းမောင်ကြီး လော်ရီဝယ်လာတော့ ကားဘေးမှာ ရေးထားတဲ့ ကုန်သုံးတန် ယာဉ်သုံးတန် ပေါင်းခြောက်တန် ဆိုတဲ့ စာအရ ကားက သုံးတန် လေး, မလေး ဘယ်လိုချိန်မလဲလို့ ငြင်းလိုက်ကြတာ တစ်နွေလုံး နွားစားလို့ ဆီးပင် ကတုံးဖြစ်ပေမယ့်လည်း နှစ်စဉ် အညွှန့် ပြန်ထွက်လာသလိုပဲ ပြောလို့ကို မပြီးနိုင်ကြဘူး။

တစ်ခါတလေ ကာလသားတွေ ပျင်းလို့ တာလမ်းဆီက ကုက္ကိုပင်ကြီးအောက် သွားထိုင်ရင်း ဖြတ်သွားဖြတ်လာ လုပ်တဲ့ ကားတွေကို ကြည့်ရင်း တောပြောတောင်ပြော ပြောနေကြတာမျိုးကျရင် သန်းခ မပါဘူး။ သူများတွေ ချက်ပလက်ခေါင်းတိုတို့၊ ချက်ပလက် ခေါင်းရှည်တို့ ကြည့်ပြီး ငေးနေကြတုန်း သန်းခက မမယ်ဆင့်ကြီး အိမ်ရှေ့က ရေတွင်းဆီမှာ ရေကဲ့နေတာ သူ့ဖို့ မဟုတ်ဘူး။ ရေလာခပ်တဲ့ ကောင်မတွေအတွက် ရေကဲ့ပေးနေတာ။

သူက ပြောသေးတာ။ ပျင်းလို့ ကြည့်မှတော့ ချက်ပလက်ခေါင်းတို ဘယ်ကြည့်မှာတုံး။ စိုစိုပြည်ပြည်ကလေးတွေ ကြည့်တော့မှာပေါ့တဲ့။ ကိုင်း ဒီလိုတော့လည်း မဟုတ်ပေဘူးလား။ အလံဖြူတွေ ပြောတဲ့ တရားသော အတွေးအခေါ် ဆိုတာ အဲတာမျိုး နေမှာ။

(၅)
တစ်နှစ်တော့ ချောင်းမကြီးမှာ ရေလျှံသတဲ့။ ချောင်းမကြီးက ဒီကနေ အတော် လှမ်းသေးတာ။ အဲဒီမှာ ရေလျှံတဲ့ ကိစ္စက ဒီဘက်မှာတော့ ဖိုးအုန်းပွင့် ပြောပြောနေတဲ့ “တို့ငယ်ငယ်က လငပုတ် ဖမ်းတုန်းက …” ဆိုတဲ့ အကြောင်းက လွဲလို့ အတော် ကြီးကျယ်တဲ့ အကြောင်းပဲ။ ဒါကြောင့် လူကြီး ကလေး အကုန် သွားကြည့်ကြတယ်။ တချို့ မိန်းမတွေတောင် သွားကြတယ်။ တချို့ကတော့ ပြောသေးတယ်။ ညောင်ပင်ဝန်းက ဘုန်းကြီးပျံထက်တောင် လူစည်သေးဆိုပဲ။

သွားမယ့်သာ သွားကြတာ။ ဟိုရောက်တော့ ရေက ပြန်ကျပြီ။ တချို့ကတော့လည်း ချောင်းမကြီး ရောက်ကာမှ မထူးဘူး။ မြို့အထိ ဆက်သွားကြတယ်။ အဲဒီအထဲမှာ ဆယ်အိမ်ခေါင်း ကိုဘရုန်းကြီးလည်း ပါတယ်။ ကိုဘရုန်းကြီးက ကြီးကာမှ အောက်ဘက်က မိန်းမနဲ့ ရတာ။ သူက အလုပ်အကိုင်ကလေး ကောင်းတော့ သူ့ခယ်မ နှစ်ယောက်ကိုတောင် ဒီကိုခေါ်ထားပြီး တင်တောင် ကျွေးထားတာ။

ကိုဘရုန်းတို့ လင်မယားက ချောင်းမကြီး ရေလျှံတာ သွားကြည့်ပြီး ရေကျတာနဲ့ မြို့တက်၊ ဘုရားဖူးကြမယ်လို့ စီစဉ်တယ်။ ဒီတော့ သူ့အိမ်ရော ခယ်မတွေကိုပါ စောင့်ရှောက်ဖို့ လူလိုတယ်။ ကာလသား အတော်များများကလည်း အဲဒီကို ရောက်နေကြတယ်။ သန်းခက မသွားဘူး။ ချောင်းဆိုတာ စီးစရာ ရှိတယ်။ စီးစရာ ရှိသရွေ့ လျှံလို့မရဘူး။ ဒါ တောင်ရေ ကျလို့ ချောင်းရေ တက်တာ။ ရေလျှံတာ မဟုတ်ဘူး။ ရေတက်လာတာ ဆိုရင် အချိန်တန် ကျသွားမှာပဲ။ ဘာမှ တကူးတကန့် သွားကြည့်နေစရာ မလိုဘူးတဲ့။

ဟုတ်တော့လည်း အဟုတ်သားကလား။ ဒီလို အတွေးပေါက်တော့ သင်းက မသွားဘူး။ ဒီတော့ ကိုဘရုန်းက သန်းခကို အပ်သွားတယ်။ သန်းခကလည်း ဘာမှ မယုံမကြည် ဖြစ်စရာ မရှိတဲ့ လူမျိုးကိုး။ သန်းခက ဂရုတစိုက်လည်း ရှိတယ်။ အားတယ် ဆိုတာနဲ့ ကိုဘရုန်းကြီး အိမ်မှာချည်းပဲ။ တစ်ခါတလေ ကိုဘရုန်းကြီး ခယ်မတစ်ယောက်နဲ့ အိမ်ရှေ့ တမာပင်အောက်က ကွပ်ပျစ်ကြီးမှာ ထိုင်ပြီး စကားပြောနေ တာကို အတော်ကြီး မိုးချုပ်တဲ့အထိ တွေ့နေရတတ်တယ်။

ပြဿနာကတော့ ကိုဘရုန်းတို့ လင်မယား ပြန်ရောက်ပြီး သီတင်းနှစ်ပတ်လောက် ကြာမှ ပေါ်တာပဲ။ ပြဿနာ ပေါ်တယ် ဆိုရင်တောင် သိပ်တရားမှာ မဟုတ်ဘူး။ တကယ်တော့ ပြဿနာ မဟုတ်ဘူးလို့ ဆိုရမယ်။ သန်းခက သူကြီးတူ မောင်မူနဲ့ တောင်ရွာက မောင်တာတို့ ကို ခေါ်ပြီး မိန်းမ သွားတောင်းတယ်။ တောင်းတာက ကိုဘရုန်းခယ်မ အငယ်မ။ ကိုဘရုန်းတို့လင်မယားကလည်း သဘောကျတယ်။ ကျဆို သန်းခကြီးက အားကိုးရတာ လက်တွေ့ပဲကိုး။ အဲဒီကျမှ ပြဿနာက စတာ။

အိမ်ရှေ့ဘက်ဆီမှာ ကိုဘရုန်းတို့၊ မောင်မူတို့၊ မောင်တာတို့ စကားပြောနေကြတုန်း မီးဖိုချောင်ဆီက ကိုဘရုန်းခယ်မ အကြီးမက လက်ထဲမှာ ဓားမ ကိုင်ပြီး “သေချင်းဆိုး၊ ကောက်ရိုးပုံမှာတုန်းကတော့ ငါမှ ငါဆို၊ လကွယ်နေ့ညပေတဲ့ ကျုပ်မျက်နှာလေးက ဝင်းလို့ဆို” လို့ အော်ပြီး ပြေးထွက်လာတော့တာ။ မီးဖိုချောင် အပေါက်ဝနားမှာ ထိုင်နေတဲ့ သောင်းစိန်က အထမြန်ပေလို့။ ချက်ချင်း ထတားလိုက်လို့ မိန်းမ လာတောင်းတဲ့ အဖွဲ့ထဲက တစ်ယောက်ယောက် ဓားမနဲ့ ထိပ်ကွက် မခံရတာ။

လိုရင်း ပြောရရင်တော့ဗျာ၊ အခု ဒီမှာ သန်းခကြီး တစ်ယောက် မနေတော့ဘူး။ မြစ် ဟိုဘက်ကမ်းကို ပြောင်းသွားတယ်။ ကိုဘရုန်းကြီး ခယ်မ အငယ်မကို သုတ်ပြေးတယ် ထင်တယ်။ သုတ်ပြေးသွားတယ် ထင်တယ်လို့ ဆိုရတာက တကယ်တော့ ကိုဘရုန်းကြီးနဲ့ မောင်မူတို့၊ မောင်တာတို့ စီစဉ်ပေးလိုက်တာပဲ။ အခုတော့ ဟိုဘက်ကမ်းက မော်တော်ပိုင်တဲ့ အီစမံအင်မောင်ခင့်ယောက်ဖ ပန်းရံကုလား မာမူကြီးရဲ့ နောက်လိုက် လုပ်နေတယ် ထင်တယ်။ နောက်လိုက်တောင် မဟုတ်ဘူး၊ ပန်းရံခေါင်းတောင် ဖြစ်နေဆိုပဲ။

ဒီဘက်မှာကတော့ ပြောစရာတစ်ခု ဖြစ်ပြီး ကျန်ရစ်တယ်။ “ချောင်းမကြီး ရေလျှံတုန်းက သန်းခ ဘာလုပ်နေတုံး” တဲ့။ အကြောင်းကြီးငယ် တစ်ခုခုရှိလာလို့ ဘယ်လိုက ဘယ်လို ဖြစ်လာမှန်း မသိကြတဲ့ အခါမျိုးမှာ ပြောကြ၊ ဆိုကြရပြီဆိုရင် “ချောင်းမကြီး ရေလျှံတုန်းက သန်းခ ဘာလုပ်နေတယ် ထင်တုံး”လို့ ပြောတတ်ကြတယ်။ ပြောမယ့်သာ ပြောကြရတယ်။ ချောင်းမကြီးရေလျှံတုန်းက သန်းခတစ်ယောက် ဘာလုပ်နေတယ် ဆိုတာ တကယ့်ကို ဘယ်သူကမှ သိကြတာမှ မဟုတ်ဘဲ။ ဘယ်သူက ဘာသိတာ မှတ်လို့။

မြင့်သန်း

ပင်မစာမျက်နှာသို့ပြန်သွားမည် >>
နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။