Lotayamm

search
မာတိကာ

contents

ထိပ်ဆုံးစာမျက်နှာ > ဝတ္ထုများ

နှင်းညကြယ်များ
အစ/အဆုံး
သူဝေး

အဲ့ဒီညအကြောင်းကို ပြန်တွေးရင် အပြာရောင်ဖျော့ဖျော့နောက်ခံထားတဲ့ ပန်းချီကားတစ်ချပ်လို မြင်မိမှာပါ။ ကြမ်းတမ်းတဲ့ ဆောင်းညတစ်ည။ အရိုးတွေတောင် ဆွတ်ဆွတ်ဖြူသွားအောင် အေးနေတဲ့ ရာသီဥတုကြောင့် မိသားစုများစွာဟာ အိမ်ထဲမှာပဲ နွေးထွေးတဲ့ ခြုံထည်တွေနဲ့ အချိန်တွေကိုကုန်ဆုံးစေခဲ့ကြတယ်။ နှင်းတွေကလည်း ရွာလွန်းတော့ မိဘတွေက သူတို့ရဲ့သားသမီးတွေကို အပြင်ထွက်ကစားဖို့ ခွင့်မပေးကြပါဘူး။

ကျွန်တေ်ာ နဲ့ ဖိုးဝကတော့ တချို့တားမြစ်ချက်တွေကို ချိုးဖောက်ချင်တဲ့သူတွေမဟုတ်လား။ မိဘတွေလစ်တုန်းမှာ အိမ်အပြင်ကို ခိုးထွက်ခဲ့ကြတယ်။

ကျွန်တေ်ာတို့နှစ်ယောက်ဟာ ကိုယ်လွတ်ရုန်းလစ်ထွက်ခဲ့ရတာမို့ ဘာပျော်ရွှင်ဖွယ်ကစားစရာမှ ပါမလာခဲ့ကြပါဘူး။ ဒါပေမယ့် ဖွေးဖွေးဖြူနေတဲ့ နှင်းကွင်းပြင်ကြီးကို မြင်ရတာနဲ့ပဲ ပျော်မဆုံးဖြစ်နေကြတယ်။ လမ်းမီးတိုင်ပုပုလေးတွေကလည်း နှင်းခဲတွေပေရေနေပြီး အလင်းမှိန်မှိန်ကလေးပဲ ဖြာပေးနိုင်တယ်။ ထင်းရှူးပင်ကြီးတွေကလည်း ဘယ်သူ့ကိုမှ စိတ်မဝင်စား တဲ့ပုံနဲ့ ကုတ်ကွေးကွေးအိပ်ပျော်နေကြတယ်။

ဖိုးဝက သူ့လိမ္မော်ရောင်မာဖလာလေးကို ခပ်တင်းတင်းစည်း နှောင်လိုက်တယ်။ ကျွန်တေ်ာတို့နှစ်ယောက်မှာ တူညီတဲ့ အရာတွေ ရှိနေကြပါတယ်။ လည်ပင်းကိုနှစ်ပတ်ရစ်ရတဲ့မာဖလာအရှည်တွေ၊ နားရွက်အထိဆွဲဆောင်းလို့ရတဲ့ သိုးမွှေး ဦးထုပ်တွေ၊ ခြေအိတ်လက်အိတ်နဲ့အမွှေးပွပွဖိနပ်တွေဟာ ကျွန်တော်တို့နှစ်ယောက်ရဲ့တူညီပစ္စည်းတွေပေါ့။

ပန်းခြံထဲက ကွင်းပြင်ကြီးဆီရောက်တော့ ကျွန်တော်တို့ ဆော့ကစားကြတယ်။ အကြောင်းမဲ့ ပြေးလွှားကြတယ်။ တစ်ယောက်နဲ့တစ်ယောက် နှင်းတွေနဲ့ ပေါက်ကြတယ်။ အတော်ကြာအောင် အဲ့ဒီအတိုင်းပဲ ကစားနေမိသေးတယ်။ နောက်တော့ ပန်းခြံတစ်ခုအနားက အမှိုက်ပုံးဟောင်းကြီးတစ်ခုကို တွေ့လိုက်ရတယ်။ အမှိုက်ပုံးကြီးက ကျွန်တော်တို့ အရွယ် ကလေးတစ်ယောက် သက်သောင့်သက်သာ ဝင်ထိုင်လို့ရလောက်အောင် ကျယ်ဝန်းပါတယ်။ ကျွန်တော်တို့ အကြံတစ်ခုခေါင်းထဲဝင်လာတယ်။ အဲ့ဒါကတော့ အဲ့ဒီအမှိုက်ပုံးကြီးကို စွတ်ဖားလှည်းတစ်ခုလို အသုံးပြုပြီးကစားဖို့ပါပဲ။

ကျွန်တော်အမှိုက်ပုံးကြီးထဲဝင်ထိုင်တော့ ဖိုးဝက နောက်ကနေ တွန်းပေးတယ်။ အဲ့ဒီလိုပဲ ကျွန်တော်လည်း ဖိုးဝကို တစ်လှည့်ပြန်တွန်းပေးရတယ်။ သိပ်ကိုဇိမ်ရှိတဲ့ ကစားနည်းပဲ။

ဖိုးဝ တွန်းပေးတဲ့အလှည့်ဆိုရင် ကျွန်တော်ကအမှိုက်ပုံးကြီးထဲ ပက်လက်မှီပြီးလိုက်တယ်။ အဲ့ဒီမှာ ကျွန်တော် သွားတွေ့ မိတာပေါ့။ အထူးအဆန်းတော့မဟုတ်ပါဘူး။ ကြယ်တွေကို တွေ့မိတာပါ။ ကြယ်တွေအများကြီးပဲ။

ဖိုးဝကလည်း စွတ်ဖားလှည်း ... အင်း .. အမှိုက်ပုံးကြီးကို တွန်းနေရာက ကျွန်တော်ငေးတဲ့နေရာကို လိုက်ငေးတယ်။ သူလည်း ကြယ်တွေအများကြီးကို မြင်လိုက်ရလို့ တစ်မျိုးတထွေ ခံစားလိုက်ရတယ်။

" ကောင်းကင်ကြီးကလှလိုက်တာကွာ ကြယ်တွေနဲ့ "
" အေး ... လိုချင်စရာကြီး "
" ဟုတ်တယ်။ လက်ဖဝါးထဲ ကြယ်တစ်ပွင့်လောက် ထည့်ကြည့်ချင်လိုက်တာ "
လို့ ဖိုးဝကလည်း စုံစုံမက်မက်ပြောလာတယ်။ စိတ်ထဲကလည်း ကြယ်တွေနဲ့ ဆော့ကစားချင်တဲ့စိတ်တွေ တဖွားဖွား ပေါ်လာတယ်။ ကျွန်တော်တို့ အဲ့ဒီလှေကားကြီးကိုထမ်းပြီးသယ်လာကြပြန်တယ်။ ကြယ်တွေကို လှေကားနဲ့ထောင်ပြီး ယူဖို့ ကျွန်တော်တို့ ဆုံးဖြတ်လိုက်ကြပြီလေ။

" မင်း လှေကားကိုကိုင်ထား ငါတက်ခူးမယ် "
လို့ ဖိုးဝက ပြောတယ်။ ကျွန်တော် လှေကားကို မတ်မတ်ထောင်ပြီး တင်းတင်းကြပ်ကြပ် ဆုပ်ကိုင်ထားလိုက်တယ်။ ဖိုးဝက လှေကားထစ်တွေကို ဂရုတစိုက်နင်းပြီး တက်သွားတယ်။ လှေကားတစ်ထစ်တက်ပြီးတိုင်းလည်း " ငါကြယ်တွေနဲ့ ပိုနီးလာပြီကွ " လို့ လှမ်းပြောသေးတယ်။ ထိပ်ဆုံးလှေကားထစ်ကိုရောက်တော့ " ငါကြယ်တွေနဲ့အနီးဆုံးဖြစ်သွားပြီ " လို့ အကျယ်ကြီး အော်ပြောတယ်။

ကျွန်တော် လှေကားကို ခိုင်ခိုင်ကိုင်ပြီး မော့ကြည့်တော့ ဖိုးဝရဲ့ဝန်းကျင်မှာ လင်းနေတဲ့ ကြယ်တွေအများကြီးကို ပျော်ရွှင်ဖွယ် ချစ်စရာမြင်လိုက်ရတယ်။ " ကြယ်တွေကိုအမြန်ခူးပြီးပစ်ချလိုက်လေကွာ၊ မြန်မြန် ... မြန်မြန် ..." လို့ အငမ်းမရ အော်ပြောလိုက်တယ်။ ကျွန်တော် တကယ့်ကိုကြယ်တွေနဲ့ ထိတွေ့ဖို့ကို မစောင့်နိုင်တော့ပါဘူး။

ဖိုးဝက သူနဲ့အနီးဆုံးကြယ်တစ်ပွင့်ကို အသာခူးပြီးပစ်ချလိုက်တယ်။ အဲ့ဒီကြယ်လေးက ကျွန်တော့်ခြေရင်းအနား ကျလာတယ်။ အပြာရောင်စိုစိုလေး။ နောက်တော့ ဖိုးဝက ကြယ်တွေကို တစ်ပွင့်ပြီးတစ်ပွင့်ခြွေချတယ်။ စိမ်းဖန့်ဖန့် ကြယ်လေးတွေလည်းပါတယ်။ ကြည်လင်နေတဲ့အနီသွေးရောင်လေးကော၊အဝါရောင်၊ ပြီးတော့ ရွှေအိုရောင် ကြယ်ကလေးတွေ။ အရောင်အသွေးမဲ့တယ်လို့ ပြောတတ်ကြတဲ့ ဖန်သားရောင်ကြယ်လေးတွေလည်း အများကြီးပေါ့။

ကျွန်တော့်အခြေရင်း။ ကျွန်တော်နဲ့ ခြေတစ်လှမ်းအကွာ၊ ကျွန်တေ်ာနဲ့လက်တစ်ကမ်းအကွာ၊ နေရာတိုင်းမှာ ကြယ်ကလေးတွေ ရောက်ရှိနေကြပြီ။ ကောင်းကင်မှာ ကြယ်တွေလည်း ကုန်သလောက်ရှိပြီ။ ရွှေရောင်လင်းနေတဲ့ ကြယ်ကလေးတစ်လုံးသာ နောက်ဆုံးကျန်နေပါတော့တယ်။

" ဖိုးဝ အဲ့ဒီကြယ်လည်း မြန်မြန်ခြွေလိုက်တော့ "
" အေး .. အေး .. ငါ့လက်နဲ့မမီလို့၊ လှေကားနည်းနည်းရွှေ့ပေးဦး "

ကျွန်တော် လှေကားကို မနိုင်မနင်းနဲ့ ရွှေ့ပေးရတယ်။ ဖိုးဝကလည်း ကြယ်ကလေးကို မမီမကမ်းလှမ်းခြွေနေတယ်။ လှေကားရွှေ့နေတုန်းမှာပဲ ထုံကျင်နေပြီဖြစ်တဲ့ ကျွန်တော့်လက်နဲ့ ခြေထောက်က ခံနိုင့်ရည်မရှိတော့ဘူး။ ဘေးကို ဖရိုဖရဲ လဲကျသွားတယ်။ ကျွန်တော်လဲကျသွားတော့ လှေကားကြီးလည်း လဲကျသွားတာပေါ့။ ဖိုးဝလည်း အမြင့်ကြီးက ပြုတ်ကျ ရော။ ကျွန်တော် အလူးအလဲထပြီး စိုးရိမ်တကြီးဖိုးဝကို ပြေးထူလိုက်တယ်။ ဖိုးဝက ဘာမှမဖြစ်ပါဘူး။ တိုးတိုးကလေး ရယ်မောလို့ ထပြီး ကိုယ်ပေါ်ကနှင်းတွေကို ခါချတယ်။ ပြီးတော့ လက်ဖဝါးကိုဖွင့်ပြတယ်။ သူ့လက်ဖဝါးထဲမှာတော့ ရွှေရောင်ဖိတ်ဖိတ်လက်နေတဲ့ ကြယ်ကလေး။
" အိုး .... ရေး ...."
ကျွန်တော် အရမ်းပျော်သွားတယ်။ ကျွန်တေ်ာတို့ မြေပေါ်မှာ ပြန့်ကျဲနေတဲ့ အသွေးအရောင်စုံကြယ်တွေကို အမှိုက်ပုံးကြီးထဲ ကောက်ထည့်ကြတယ်။ အမှိုက်ပုံးကြီးကို ပြည့်လို့မို့လို့။ ကျွန်တော် ကြယ်တွေကို လက်ဖဝါးထဲထည့်ကြည့်ကြတယ်။ တစ်မျိုးလေးတော့ ခံစားရတယ်။ အဲ့ဒီအရသာကို ကျွန်တော် ပြောမပြတတ်ဘူး။ နောက်ပြီး ဘာအနံ့ရမလဲလို့ နှာသီးဝ အနား ကပ်ပြီး ရှူကြည့်ကြတယ်။ ဘာအရသာရှိမလဲလို့ လျှာနဲ့တို့ကြည့်သေးတယ်။ အဲ့ဒါလည်း တစ်မျိုးလေး ခံစားရတယ်။ နောက်ပြီး နားရွက်နားကပ်ပြီးလည်း လှုပ်ခါကြည့်ကြတယ်။ ဘာသံစဉ်တွေများ ထွက်လာမလဲလို့လေ။

ဖိုးဝက သူ့ခေါင်းပေါ်ကို အပြာရောင်ကြယ်တစ်လုံးတင်ပြီး " ငါကြည့်လို့ကောင်းလား" လို့ မေးသေးတယ်။ ကျွန်တော်က ကြယ်တွေနဲ့ မျက်နှာကို ပွတ်ကြည့်တယ်။ ဗိုက်နဲ့ပွတ်ကြည့်တယ်။ ကြယ်တွေရဲ့အတွင်းသားထဲမှာ ဘာတွေများထပ်ရှိမလဲ လို့ မျက်လုံးနဲ့ အနီးကပ်ကြည့်တယ်။

အဲ့ဒီနောက် ကျွန်တော်တို့ ကြယ်တွေကို ပစ်မြောက်ဆော့ကစားတယ်။ ပျော်ရွှင်မှုဆိုတာ အတိုင်းမသိပေါ့။ အဲ့ဒီလို အတော်ကြာအောင် ဆော့ကစားပြီးတဲ့ နောက်မှာတော့ ....

ဖိုးဝမျက်နှာ တစ်စုံတစ်ခုဖြစ်သွားတာကို ကျွန်တော်သတိထားမိလိုက်တယ်။ သူတစ်စုံတစ်ရာကို တွေ့ရှိသွားတာပါ။
" ဟိုမှာကြည့်ပါဦးကွာ "
သူ ညွှန်ပြတဲ့ နေရာကိုကြည့်လိုက်တော့ မည်းမှောင်နေတဲ့ ကောင်းကင်ကြီးကို တွေ့လိုက်ရတယ်။ မှောင်ပိန်းနေတဲ့ အကျည်းတန် ညမိုးသားကြီး။ ထူထူထဲထဲကြီး သေဆုံးနေရှာတာ။
" ဟာ ကောင်းကင်ကြီးက ရုပ်ဆိုးလိုက်တာ "
အဲ့ဒီလို ရေရွတ်လိုက်မိတဲ့ ကျွန်တော်ဟာ အတွေးတစ်ခုလည်း ဝင်သွားပါတယ်။ အဲ့ဒီလို ကောင်းကင်ကြီးကို ရုပ်ဆိုးအောင်လုပ်တာ ဘယ်သူတွေလဲဆိုတဲ့အတွေးပေါ့။ ဖိုးဝက လဲကျနေတဲ့ လှေကားကြီးကို ပြန်ထောင်ပြီး
" ငါတို့ ကောင်းကင်ကြီးကို ကြယ်တွေ ပြန်ပေးလိုက်ရအောင် " လို့ ပြောလာတယ်။
" အင်း ... ဟုတ်တယ်။ ငါတို့ အဲ့ဒီလိုလုပ်သင့်တယ် "
လို့ကျွန်တော်လည်း ခေါင်းညိတ်ထောက်ခံလိုက်တယ်။ ကျွန်တော်တို့ကြယ်တွေကို ကောင်းကင်မှာ ပြန်ချိတ်ဆွဲဖို့ ကြိုးစား လိုက်ကြတယ်။ ခဲရာခဲဆစ်ပါပဲ။ ခြွေချတုန်းကလောက် မလွယ်တာကိုလည်း ကျွန်တော်တို့သိလိုက်ကြတယ်။

ကြယ်တွေအားလုံး အာကာပြင်ထဲ ပြန်ရောက်ရှိချိန်မှာတော့ ကျွန်တော်တို့နှစ်ယောက် မြေပြင်မှာ ပက်လက်လဲနေပါပြီ။ တကယ့်ကို မောပမ်းနေကြပြီ။ မျက်နှာချင်းဆိုင်မှာ လင်းထင်းလှပနေတဲ့ နှင်းညကောင်းကင်ကြီးကိုလည်း ထည်ဝါစွာ ပြန်တွေ့လိုက်ရတယ်။ ဖိုးဝက သိပ်မခက်တဲ့ မေးခွန်းတစ်ခု မေးသေးတယ်။
" ငါတို့လက်ထဲမှာ ကြယ်တွေရှိတာနဲ့ ဟိုး ကောင်းကင်ကြီးမှာ ကြယ်တွေရှိတာ ဘယ်ဟာပိုလှလဲ " တဲ့။
ကျွန်တော့်စိတ်ထဲမှာ အဖြေက အလွယ်တကူရှိပြီးသားပဲ။ ကျွန်တော် ပြန်ဖြေမလို့လုပ်တုန်းမှာ အဝေးက ခေါ်သံတွေကို ကြားလိုက်ရတယ်။ အသံလာရာကို ကြည့်လိုက်တော့ ဓာတ်မီးရောင်တဝင်းဝင်းနဲ့လူရိပ်တစ်ခု။

ရင်းနှီးတဲ့ ခေါ်သံတွေဟာ ကျွန်တော်တို့နဲ့တရွေ့ရွေ့နီးလာတယ်။ အဲ့ဒါ ကျွန်တော်တို့ကိုလိုက်ရှာနေတဲ့မိဘတွေပေါ့။ ကျွန်တော်တို့ကိုတွေ့တော့ ဝမ်းသာစိတ်ဆိုးဖြစ်ကြတယ်။ မယဉ်မရိုင်းစကားတွေနဲ့လည်း ဆူပူကြတာပေါ့။ ခုနက ပျော်ရွှင်စရာအချိန်တွေ ဘယ်ရောက်သွားမှန်းမသိ။ ဖိုးဝလိုပဲ ကျွန်တော်လည်း ခေါင်းတွင်တွင်ငုံ့နေထားလိုက်တယ်။ မိဘတွေက ဒီမှာ အချိန်အကြာကြီးဘာလုပ်နေကြတာလဲလို့ မေးကြတယ်။ တကယ်တမ်း ကျွန်တေ်ာတို့အမှန်ဆုံး ဖြေတော့လည်း သူတို့က မယုံကြည်ကြပါဘူး။ သူတို့အချင်းချင်း တစ်ယောက်မျက်နှာတစ်ယောက်ကြည့်ပြီး ရယ်မောကြတယ်။

ကျွန်တော်တို့လက်တွေကိုသာ တင်းတင်းကြပ်ကြပ်ဆွဲပြီး အိမ်တွေဆီ ပြန်ခေါ်ခဲ့ကြတယ်။ အပြန်လမ်းတစ်လျှောက် နှင်းတွေကို ခြေထောက်နဲ့ကန်ရင်းသာ ကျွန်တော်လိုက်ပါခဲ့တယ်။ ဖိုးဝရဲ့ မေးခွန်းကို ဖြေဖို့လည်း အလိုလို မေ့လျော့နေခဲ့ မိတာပေါ့။

သူဝေး

ပင်မစာမျက်နှာသို့ပြန်သွားမည် >>

နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။