Lotayamm

search
မာတိကာ

contents

ထိပ်ဆုံးစာမျက်နှာ > ဝတ္ထုများ

လနီနီကို မြင်တဲ့လူ
အစ/အဆုံး
ချိုပိန်းနောင်

အလုပ်က ပုံမှန်ဆို ညနေခြောက်နာရီဆိုသိမ်းတယ်။ ဒါပေမယ်လို့ ဒီတစ်ပတ်အတွင်းမှာ အလုပ်က အရမ်းများတဲ့ အတွက် ညနေခုနစ်နာရီခွဲလောက်မှ သိမ်းရတယ်။ မနက်ဆို ခုနစ်နာရီခွဲအလုပ်သွား၊ ညနေဆို ခုနစ်နာရီခွဲအလုပ်ဆင်း၊ အိမ်ကို ရှစ်နာရီလေးဆယ်လောက်မှ ပြန်ရောက်။ အမှန်အတိုင်းပြောရရင် ဒီအလုပ်မှာ ကျနော်အတော်ပင်ပန်းတယ်။ ဒီ အလုပ်မှာ ပင်ပန်းတယ်ဆိုလို့ ဘယ်အလုပ်ကမပင်ပန်းဘူးလဲ ပြန်မေးဖို့ရှိတာပေါ့။ ဘယ်အလုပ်မဆို ပင်ပန်းပါတယ်။ နိစ္စဓူဝအိပ်ရတဲ့ လုပ်ငန်းစဉ်တောင် အလုပ်လို့တွေးလိုက်ရင် ပင်ပန်းတာပဲ။ ဒီတော့ပင်ပန်းတယ်။
ပိုပင်ပန်းရတဲ့ ကိစ္စတချို့ကျနော့်နေ့စဉ်ဘ၀မှာရှိနေတယ်။ ဘာလဲဆိုတော့ အလုပ်ကအပြန်မှာ သူဌေးခိုင်းတဲ့ အလုပ်တွေ အပိုဆောင်းလုပ်ပေးရတာမျိုးကအခါခါ။ ဒီကြားထဲ အပိုဆောင်းလုပ်ပေးတာကို ကျေးဇူးမတင်ဘဲ အော်ငေါက် တာကို ခံရတာလည်းအခါခါ။ အလုပ်အားလုံးပြီးရင် အိမ်ပြန်လာ။ ပြန်လာတဲ့လမ်းမှာ လက်ချည်းသက်သက် ပြန်လာရတာ မျိုးမဟုတ်ဘူး။ ကျနော့်ချစ်သူရှိတယ်။ သူ့ဆီဖုန်းခေါ်ရတယ်။ ဒါက သူချမှတ်ထားတဲ့ နေ့စဉ်အလုပ်။ ကျနော်အလုပ်ပြီးပြီ ဖြစ်တဲ့အကြောင်း၊ ခုလမ်းမှာ ပြန်နေပြီဖြစ်တဲ့အကြောင်း၊ ညနေစာကို ဘယ်လိုအစီအစဉ်နဲ့စားဖို့ တွေးထားတာကအစ သူ့ ကိုအားလုံးပြောပြရတယ်။ သူ့အပြောကတော့ ဒါဟာ ချစ်သူချင်းချင်း ကြားထဲမှာ ပွင့်လင်းရိုးသားမှု။ ကျနော့်အမြင်ကတော့ နေရာတကာ တင်းကြပ်ချုပ်နှောင်နေတဲ့ စိတ်ပျက်စရာ အသားကျဘ၀။ အလုပ်ရောက်ရင် သူဌေးကအော်ငေါက်လိုက်၊ မန် နေဂျာက အော်လိုက်ဟစ်လိုက်။ အိမ်ပြန်လာတော့ ရည်းစားက တင်းလိုက်ကြပ်လိုက်နဲ့ ကျနော့်ဘ၀ဟာ လုံးချာလည် လိုက်နေခဲ့တာ နှစ်အတော်ကြာခဲ့ပြီ။ ပြီးတော့ ကျနော့်အလုပ်က နေ့စဉ်အိုဗာတိုင်းမ်ဆင်းရပေမယ်လို့ အိုဗာတိုင်းမ်ကြေး ဘယ်တော့မှ မပေးတာဘဲ။ နောက်တစ်ခုက ပိတ်ရက်ပေးပေမယ်လို့ ပိတ်ရက်မှာလည်း သူဌေးကဖုန်းဆက်လှမ်းခိုင်းရင် လုပ်ပေးရတဲ့ ကိစ္စပဲ။
ဒီနေ့တော့ နည်းနည်းပိုဆိုးတယ်ပြောချင်တာပဲ။ အလုပ်ကအပြန်မှာ သူဌေးက မနက်ကမပြီးသေးတဲ့ စာရင်းကွာ နေတာကို သူ့အိမ်မှာ သူနဲ့အတူ ရှင်းကြဖို့ ပြောထားတယ်။ ကျနော်တစ်နေကုန် အလုပ်လုပ်ပြီးခဲ့ပြီ။ ပြီးတော့ ကျနော် မနေ့ညကတည်းက ဖျားနေခဲ့တယ်။ နောက်ပြီး ဒီနေ့ကရှားရှားပါးပါး ညနေခြောက်နာရီအလုပ်ဆင်းတော့ ကျနော့်ချစ်သူ က သူနဲ့အတူ ညဘက်အပြင်မှာ ညစာထွက်စားဖို့ ချိန်းထားတယ်။ ညစာစားပြီးရင် ညဘက်အေးအေးဆေးဆေး လမ်း လျှောက်လို့ ကောင်းတဲ့နေရာတွေ ကျနော်တို့မြို့မှာရှိတယ်။ သစ်ပင်တွေ အုပ်အုပ်ဆိုင်းဆိုင်းနဲ့၊ ညဉ့်နက်ဘက် သမ်းလာတော့ ကားတွေလည်း အသွားအလာကျဲသွားတဲ့အချိန်မှာ သိပ်လမ်းလျှောက်လို့ ကောင်းတဲ့ နေရာကောင်းတွေ အများကြီးရှိတယ်။ ဒါကို ကျနော့်ချစ်သူကမက်တယ်။ နေ့စဉ်နေ့တိုင်း ကိုယ်ရော စိတ်ပါ ပင်ပန်းရတဲ့ ကျနော့်အဖို့မှာတော့ အလုပ်က ပြန်လာရင် ညနေစာတောင်မစားချင်တော့ဘဲ အိပ်ယာထဲ ထိုးခေါက်အိပ်ပစ်လိုက်ချင်တာတစ်ခုကလွဲလို့ ကျန်တဲ့ မက်စရာ ကိစ္စ ဘ၀မှာ မရှိဘူး။
ချစ်သူနဲ့ ညဘက်အပြင်သွားဖို့ ချိန်းထားတယ်လို့ သူဌေးကို အကြောင်းပြလို့မရတဲ့အခါမှာ သူဌေးက သူ့အိမ် ကို အချိန်ပိုခေါ်ထားတယ်လို့ပဲ ချစ်သူကို အကြောင်းပြရတော့တယ်။ ကျနော့်ချစ်သူဆိုတာကလည်း သူဌေးနဲ့ သိပ်မကွာ လှဘူး။ ချက်ချင်းဆိုသလို ငိုတော့တာပဲ။ ဒါဟာညာတာဖြစ်တဲ့အကြောင်း၊ ကျနော်က သူ့အပေါ်မှာ စိမ်းနေတာ ဒါနဲ့ဆို အခေါက်ရှစ်ဆယ်ကျော်ပြီဖြစ်တဲ့အကြောင်း၊ သူနဲ့ဘယ်တော့မှ အပြင်မထွက်ချင်တဲ့အကြောင်း၊ စသဖြင့်။ မိန်းမတွေ ပြော လည်းပြောတတ်ပါတယ်ဗျာ။ တစ်ခေါက်နဲ့ တစ်ခေါက် မရိုးရအောင် စကားအမျိုးမျိုး လှည့်ပတ်သုံးပြီး ပြောနေတော့တာပဲ။ အကြောင်းအရာကတော့ ဒါပဲ။ ဒါပေမယ်လို့ ကျနော့်သူဌေးနဲ့ ကျနော့်ချစ်သူ ကွာတာတစ်ခုက ကျနော့်သူဌေးက အကြောင်းအရာတစ်ခုတည်းကို နေ့စဉ်ရက်ဆက် စကားတစ်မျိုးတည်းသုံးပြီး ကျနော့်ကို အမြဲစိတ်ညစ်အောင်လုပ်တယ်။ ကျနော့်ချစ်သူကတော့ အကြောင်းအရာတစ်ခုတည်းကို နေ့စဉ်ရက်ဆက် စကားအမျိုးမျိုးသုံးပြီး ကျနော့်ကို အမြဲစိတ်ညစ် အောင်လုပ်တယ်။ တစ်နေ့နဲ့ တစ်နေ့ သူပြောမယ့် စကားကို ကျနော်က မခန့်မှန်းတတ်တော့ နေ့တိုင်း ကျနော့်အတွက် ဆပ်ပရိုက်စ်လေးလိုတော့ ဖြစ်တာပေ့ါလေ။ ဒီတော့လည်း သူဌေးနဲ့စာရင် ကျနော့်ချစ်သူက နည်းနည်းပိုဖြေသာနေတဲ့ သဘောတော့ရှိတာပေါ့။
သူ့အတွက် (ကျနော့်အတွက်ပေါ့လေ။) အဆင်ပြေစေနိုင်မယ့် နည်းလမ်းကတော့ သူဌေးအိမ်ကို သူ့ကိုပါ ခေါ် သွားတာပဲ။ ဒါပေမယ်လို့ ကားထဲမှာပဲ နေခဲ့ဖို့ ကျနော်မှာထားရတယ်။
သူဌေးအိမ်က ပြန်လာတော့ ကျနော်အတော်ကြီး ငြီးစီမူးနောက်နေပြီ။ စိတ်ဓါတ်တွေလည်းကျပြီး အဖျားသွေး လည်း နည်းနည်းထပ်တိုးလာတယ်(လို့ ကျနော်ထင်တယ်)။ ညလည်း အတော်နက်နေပြီ။ ကျနော့်ချစ်သူကို အိမ်သွားပြန် ပို့ပေးရဦးမယ်။ ပြီးတော့ ပြန်ရင် ညစာအတွက် တစ်ခုခု ကျနော်စီစဉ်ရဦးမယ်။ ဖြစ်နိုင်ရင် ကျနော်မနက် အလုပ်မသွားချင် ဘူး။ တစ်ရက်လောက်တော့ ခွင့်ယူချင်တယ်။ ပြီးတော့ ဒီခွင့်ယူလိုက်တာကို ကျနော့်ချစ်သူကိုလည်း မပြောပြချင်ဘူး။ အိမ် မှာပဲ တစ်ယောက်တည်း စိတ်အေးနားအေး အိပ်နေချင်တယ်။ ကျနော် မနက်အလုပ်ခွင့်ယူဖို့ ဆုံးဖြတ်လိုက်တယ်။
ညဘက်က ကားမောင်းလို့တော့ ကောင်းတယ်။ နီယွန်မီးအောက်တွေကနေ လမ်းမည်းမည်းပြောင်ပြောင်တွေ ပေါ် ဖြတ်မောင်းရတာ သိပ်အရသာရှိတယ်။ သစ်ပင်တွေက လမ်းဘေးတစ်လျှောက် ၀ဲညို့နေတော့ စိတ်ချမ်းသာမှုလည်း ရသား။ ကျနော်တစ်ယောက်တည်းဆိုရင်ပြောပါတယ်။ ခုတော့ ကျနော့်လောကဓံက ပါဆင်ဂျာဆိမှာ မုန့်တွေတစ်ခုပြီး တစ်ခုစားရင်းပါလာတယ်။ ကျနော့်ချစ်သူမှာ ထူးခြားချက်တစ်ခုရှိတယ်။ သူ့မှာအစားစားဖို့ ပါးစပ်အပြင် စားနေတဲ့အချိန်နဲ့ တစ်ဆက်တည်း စကားပြောနိုင်တဲ့ ပါးစပ်တစ်ပေါက်ပါ အပိုပါသေးတယ်။ အဲဒါက ဘယ်နေရာမှာလဲတော့ ကျနော်အတိ အကျမပြောတတ်ပေမယ်လို့ ပါတာတော့ပါတယ်ဆိုတာ ကျနော်သိတယ်။ တစ်လမ်းလုံး ကျနော့်ကို ကျန်းမာရေး ဂရုစိုက် ဖို့အကြောင်း၊ ခုတလောလူတွေ ဖျားနာနေကြလို့ အလုပ်ကိုတော်ရုံပဲလုပ်သင့်ကြောင်းနဲ့ အခုလို နောက်ကျတဲ့အထိ အပင်ပန်းခံတာ ဘယ့်ကလောက်ဆိုးကြောင်းကို ပြောပြလာတယ်။ အခုလိုနောက်ကျတဲ့အထိ ကျနော်ပင်ပန်းနေရတာ သူ့ ကြောင့်လည်းပါတယ်ဆိုတာကိုတော့ သူသိပုံမရဘူး။
သူပြောတဲ့စကားတွေကို အလိုက်သင့်ပြန်လိုက်ပေးရင်း ကားကိုလည်းသတိထားမောင်းနေရရင်း ကျနော် စိတ် တွေညစ်လာတယ်။ ကားမောင်းရတာဟာ သဲပြင်ပေါ်မှာ အပျော်စီးစက်ဘီးနင်းနေရသလို ခံစားလာရတယ်။ တစ်ခုခုက ဆွဲ ထားသလို ကားကရှေ့မရောက်တော့သလို ခံစားရတယ်။ ဒါမှမဟုတ် ကားကသူ့အလိုလိုသွားနေပြီး ကျနော်က ထိုင်ခုံနဲ့ အတူ အနောက်မှာ ကျန်ခဲ့သလို ခံစားရတယ်။ သူပြောတဲ့စကားတွေဟာ မကြားတစ်ချက် ကြားတစ်ချက်။ ပေမယ်လို့ အကျင့်ပါနေပြီဖြစ်တဲ့အတွက် သူပြောသမျှ ကျနော် အလိုက်သင့်နေပေးနိုင်နေတုန်းပဲ။ ကျနော် ကားမောင်းရင်းအိပ်ပျော် သွားမှာကို စိုးရိမ်လာတယ်။ ဒါကြောင့် ကားမောင်းနေရင်း ဘေးဘီကတိုက်တန်းတွေ သစ်ပင်ကြီးတွေကို ကျနော် တစ်ချက် တစ်ချက် မော့မော့ကြည့်လာတယ်။ မိုးရွာပြီးကာစ ကောင်းကင်ဟာ ကြည်မလို ညိုမလိုနဲ့ သူ့ကြည့်နေရတာ ကျနော့် သူဌေးနဲ့ ကျနော့်ချစ်သူကို မြင်နေရတဲ့အတိုင်းပဲ။ ဝေခွဲမရဘူး။ ကျနော် ကောင်းကင်ကိုမကြည့်တော့ဘဲ တချို့ တိုက်တန်းတွေပေါ်မှာ တပ်ထားတဲ့ဆိုင်းဘုတ်တွေကိုပဲ ကြည့်တော့မယ်လို့ စဉ်းစားလိုက်တယ်။ အတွေးနဲ့အတူ ကျနော် ကောင်းကင်ပေါ်ကို နောက်ဆုံးတစ်ချက်မော့ကြည့်လိုက်တယ်။ ကျနော်မော့ကြည့်လိုက်ချိန်မှာ ကောင်းကင်မှာ မြင်လိုက်ရ တာတစ်ခုကတော့ လလုံးကြီးပဲ။ အရင်နေ့တွေက မြင်နေကျ လနဲ့မတူဘူး။ ကျနော်အလုပ်များနေလို့ လကို မကြည့် မမြင်ဖြစ်ခဲ့တာကြာပြီဆိုတော့ ကျနော်မမြင်မတွေ့မိလိုက်တဲ့အချိန်မှာပဲ လဟာအရွယ်ရောက်လာတာလား။ ကောင်းကင် ပေါ်က လဟာနီရဲပြီး ပြည့်လုလုဖြစ်နေတယ်။ ပြီးတော့ အကြီးကြီး။ ကျနော်နဲ့ အနီးနားမှာတင် ရှိနေသလို ကျနော် ခံစား လိုက်ရတယ်။ ကျနော်စိတ်ဝင်စားသွားတယ်။
`ဟိုးမှာကြည့်စမ်း။ လကြီးတွေ့လား။ ´
ကျနော့်ဘေးမှာ ရှိနေတဲ့ချစ်သူကိုပါ မြင်စေချင်တဲ့ဆန္ဒနဲ့ (သူပါးစပ်ပိတ်သွားတာမျိုးလည်း ဖြစ်စေချင်တာလည်း ပါတာပေါ့လေ) သူ့ကိုပါ ပြလိုက်တယ်။ သူက ကျနော်လက်ညှိုးထိုးပြတဲ့နေရာကို လိုက်ကြည့်တယ်။ ပြီးတော့ ခေါင်းခါ တယ်။
`ဘာမှလည်း မတွေ့ပါဘူး။ ဘယ်လို လ ထွက်ဦးမှာလဲ။ ခုနတင် မိုးရွာပြီးတာ။´
သူ့ကိုလှမ်းပြလိုက်တဲ့အချိန်မှာ ဘေးကတိုက်တန်းတစ်ခုနဲ့ ကွယ်သွားလို့ လကို သူမမြင်လိုက်ရဘူး။ ကျနော် သူ့ကို တိုက်တန်းကျော်သွားပြီးနောက်မှာ ထပ်ပြလိုက်တယ်။
`ဟိုမှာ ဟိုမှာ။ မြင်ပြီလား။´
ကျနော် လက်ပြတဲ့နေရာကို သူလိုက်ကြည့်တယ်။ ပြီးတော့ `ဟင့်အင်း´ လို့ သူပြောတယ်။ ကျနော်ကြည့်လိုက် တော့ ဟုတ်တယ်၊ ကျနော်မြင်လိုက်တဲ့ လ မရှိတော့ဘူး။ ဒီအချိန်နဲ့ ဒီအချိန်မှာ ဒီလောက်ကြီးတဲ့လကြီးက ဘယ်လိုလုပ် ပျောက်သွားနိုင်မှာတဲ့လဲ။ လေဟာငြိမ်နေတယ်။ မိုးစက်မိုးပေါက်တွေလည်း လုံးဝကင်းစင်နေပြီ။ အတွေးနဲ့ ကျနော်ကောင်းကင်ပေါ် ပြန်မော့ကြည့်လိုက်တယ်။ ဒီတော့ ပြန်တွေ့တယ်။ လဟာ ခုနက ကျနော်မြင်တဲ့ တိုင်းပဲ။ ကျနော်မြင်ိလိုက်တဲ့နေရာမှာပဲ။ လုံးလုလု အ၀ိုင်းနီနီပြည့်ပြည့်ကြီး။ ကြက်ဥအနှစ်တွေ နီနေတဲ့အရောင်လိုမျိုး။ အကြီးကြီး။ ကျနော် လက်ညှိုးထပ်ထိုးပြလိုက်ပြန်တယ်။
`တွေ့လား တွေ့လား မြင်ပြီလား။´
သူကလည်း ကျနော်အားတက်သရောပြနေတော့ စိတ်ဝင်စားလာပုံရတယ်။ ကျနော်လက်ညှိုးထိုးပြတာကို အသေ အချာလိုက်ကြည့်တယ်။ ခဏကြည့်ပြီးတော့ သူကျနော့်ကိုမေးတယ်။
`လကို မြင်တာဆန်းလို့လား။´
`မင်းမမြင်ဘူးလား။ ဟိုမှာလေ လကြီးက လုံးပြီးရဲနေတာ။ လထဲက လနတ်သမီးကိုတောင် မြင်ရတော့မယ့်အတိုင်းပဲ။ တွေ့လား အကြီးကြီး။ ကြက်ဥနှစ် နီနီလိုကြီး။´
သူ ကျနော်ပြတဲ့နေရာကို တစ်ချက်မော့ကြည့်လိုက်ရင်း ကျနော့်နဖူးကို လာစမ်းတယ်။ ညင်ညင်သာသာပဲ။ ပြီးတော့ `ရှင်ဖျားနေတယ်။´ လို့ ပြောတယ်။
ကျနော်ဒါကို မကျေနပ်နိုင်ဘူး။ `မမြင်ရသေးဘူးလား။´ လို့ ထပ်မေးတော့ သူကခေါင်းခါပြတယ်။ `မိုးပေါ် ထပ် မကြည့်နဲ့တော့။ ကားပဲ သေချာမောင်းတော့။´ လို့ သူပြောတယ်။
မဖြစ်နိုင်တာပဲ။ ကျနော်မြင်ရင် သူလည်းမြင်ရမှာပဲ။ လဟာဒီလောက်အကြီးကြီး။ ကားတစ်စီးထဲမှာ အတူသွားနေ တဲ့ လူနှစ်ယောက်မှာ တစ်ယောက်ပဲ လကိုမြင်ပြီး တစ်ယောက်က မမြင်ဘူးဆိုတာ ဖြစ်နိုင်ပါ့မလား။ ကျနော်အမြင်မှားနေ တာလား။ ဒါမှမဟုတ် ကျနော်ပြတာကို သူတကယ်မမြင်ရသေးတာလား။ ဒါမှမဟုတ် ကျနော့်ကိုရွဲ့ပြီး မမြင်ချင်ယောင် ဆောင်နေတာလား။ အတွေးတွေ ကျနော့်ခေါင်းထဲမှာ လူးလည်လာတယ်။
ကားဆက်မောင်းနေပေမယ်လို့ လမ်းမပေါ်မှာ ကျနော့်အာရုံတစ်စက်မှ မရှိတော့ဘူး။ ကောင်းကင်ပေါ် အခွင့် သင့်တိုင်း မကြာမကြာမော့မော့ကြည့်နေမိတယ်။ ဘေးကတစ်ယောက်မသိအောင်လည်း ကြည့်ရသေးတယ်။ နို့မို့ ကျနော့် ကို သူ့စကားနားမထောင်လို့ ထပ်အော်ဦးမယ်။ ကျနော်ကြည့်တိုင်းမှာ အဲဒီလကြီးဟာ ကျနော့်နဖူးစောင်းနားမှာ။ ဒီလောက်ကြီးတာကြီးကို သူမမြင်ဘူးတဲ့။ ကျနော်မြင်နေတယ်လေ။ နှစ်ယောက်မှာ တစ်ယောက်တည်းမြင်နေရတာ ဘာ သဘောလဲ။ လဟာ အတော်ကြီး ကြီးတယ်။ သာမန်လပြည့်ညတွေမှာတောင် မမြင်ရလောက်တဲ့ ဆိုဒ်မျိုးကြီး။ လမဟုတ် ဘဲ ကမ္ဘာနဲ့နီးလာတဲ့ ဥက္ကာခဲတစ်ခုများ ဖြစ်နေသလား။ ဒီဥက္ကာခဲကြီးဟာ တီဗီင်္ွင်္ကြော်ငြာတစ်ချို့မှာ မြင်ရတတ်တဲ့ မုန့် နီဝိုင်းကြီးတွေလို၊ ဒါမှမဟုတ် တစ်ချို့စားသောက်ဆိုင်တွေကလုပ်သလို ဆန်ပြုတ်ခွက်ပေါ်က ကြက်ဥနှစ်ပျစ်ပျစ်တုံးကြီးလို ကျနော်မြင်နေရတယ်။ ဒါကြီးဟာ ကျနော်နဲ့ နီးနီးလာနေတယ်၊ ပိုပိုကြီးလာတယ်လို့ ခံစားရတယ်။ လထဲမှာရှိနေမယ့် ကျနော်တို့ ငယ်ငယ်က စိတ်ကူးယဉ်ခဲ့ရတဲ့ လနတ်သမီးဟာ တကယ်ပဲရှိနေတာလား။ လထဲမှာ လူတစ်ယောက်ရှိနေတဲ့ပုံစံကို ကျနော်လှမ်းမြင်နေရတယ်။ လနတ်သမီးမဟုတ်ဘဲ လမိစ္ဆာများဖြစ်နေမလား။ ကျနော်ကြည့်နေတုန်း ၀ုန်းခနဲထွက်လာပြီး ကျနော့်ကို ကိုက်လိုက်မလား။
အမျိုးအမည်မသိ ခပ်စူးစူးအော်သံတစ်ခုကို ကျနော့်ဘေးကနေ ကပ်ကြားလိုက်ရတဲ့အတွက် ကျနော်ယောင်ပြီး ဘရိတ်အုပ်လိုက်မိတယ်။ ရင်ထဲမှာ တဆတ်ဆတ်နဲ့ခုန်နေပြီး စီးထားတဲ့ရှူးဖိနပ်ထဲကနေ ပင့်ကူတစ်ကောင် ထွက်လာ သလို ကျနော်ခံစားလိုက်ရတယ်။ ရုတ်တရက် ကျနော်ကြောက်သွားပြီး ရှူးဖိနပ်ကို ချွတ်ပစ်လိုက်မိတယ်။
`ဘာဖြစ်နေတာလဲ။ ရှင်မီးပွိုင့်အနီကို ဖြတ်နေတယ်လေ။ ´ လို့ ကျနော့်ဘေးက အမျိုးသမီးက ထအော်တယ်။ ကျနော် ဘေးကို ကြည့်လိုက်မိတော့ ကျနော့်ကားဟာ လမ်းလယ်ခေါင်မှာ လေးဆယ့်ငါးဒီဂရီလောက် အစောင်းအနေအထားနဲ့ ရပ် နေပြီ။ ဘေးမှာ ကားတချို့ရှိနေတယ်။ ကျနော့်ကားကို ၀ိုင်းထားသလိုပုံစံမျိုး။ ဟောလိဝွဒ်အက်ရှင်ကားတွေမှာ မြင်ရတဲ့ ဇာတ်ဝင်ခန်းတွေလိုမျိုး။ ကျနော်ရုတ်တရက် ဘေးကားတွေ ဟွန်းတီးတာတွေရော၊ ကျနော့်ဘေးက မိန်းမဟွန်းတီးနေတာ တွေရောကြောင့် နှစ်မျိုးရောပြီး ဘာဖြစ်သွားမှန်း ကျနော့်ကိုယ်ကျနော် ဖမ်းမရလိုက်ဘူး။ ဒီအချိန်မှာ ကျနော့်ဘေးကို ခပ် မြန်မြန်ပဲ လမ်းပြပုလိပ်သားတစ်ယောက် ရောက်လာတယ်။ ကျနော်မှန်ကိုချလိုက်တယ်။
`ကဲ ထရန်စ်ပေါ်တာမင်းသား။ ဘာဖြစ်သလဲ။´ လို့ သူမေးတယ်။ သူ့ကြည့်ရတာ ပျော်ပျော်နေတတ်ဟန်ရှိတဲ့ လူပဲ။ ကျနော်ပြုံးပြလိုက်တယ်။ အလုပ်ပင်ပန်းနေလို့ အတွေးများသွားတာပါလို့ ပြောရင်း ဘေးကကားတွေကို လက်ထွက်ပြပြီး တောင်းပန်လိုက်တယ်။ ကျနော်ကားကို ဘေးကိုထိုးရပ်ပေးလိုက်တယ်။ လမ်းပြပုလိပ်သားက ကျနော့်ကားနောက်က လိုက် လာပြီး အရက်သောက်သလား၊ လိုင်စင်ပါလားလို့ ကျနော့်ကိုမေးတယ်။ ကျနော် မိုးပေါ်ကို မော့ကြည့်လိုက်တယ်။ ဒီအချိန် မှာ တိုက်တန်းလျားတစ်ခုနဲ့ နည်းနည်းကွယ်နေတဲ့အနေအထားနဲ့ လဟာရဲရဲနီနေတာကို ကျနော်လှမ်းတွေ့လိုက်တယ်။
`ဟိုမှာ လမြင်ရလား။´လို့ ကျနော် လမ်းပြပုလိပ်ကို မေးတယ်။ ကားထဲကနေ ကျနော့်လောကဓံက လုပ်ပြန်ပြီလို့ လှမ်း ပြောတယ်။ ကျနော်သူ့ကို တစ်ချက်လှမ်းကြည့်လိုက်ရင်း ပုလိပ်ကို ထပ်မေးလိုက်တယ်။ ပုလိပ်က မော့တောင်မကြည့်ဘူး။ `ကျနော်တို့နိုင်ငံက နေရောလပါ အချိန်ကိုက် မြင်ရတဲ့ တိုင်းပြည်လေဗျာ။´ လို့ ပြန်ပြောတယ်။ ကျနော် လက်လျှော့ လိုက်တယ်။ ဒီလူက ကျနော့်ကို စကားလှည့်ပြောနေတယ်ထင်နေပုံပဲ။
`ဒီည ထွက်တဲ့ လ က ထူးဆန်းတယ်။´ လို့ ကျနော် ထပ်ပြောတော့ ပုလိပ်က ရွှတ်နောက်နောက်အမူအရာနဲ့ `ကျနော်လည်း Ray Bredbury ဖန်ပဲဗျ။´ လို့ ပြန်ပြောတယ်။ ကျနော် ခေါင်းညိတ်ပြလိုက်ပြီး သူလိုတာတွေ ထုတ်ပေးလိုက်တယ်။
အိမ်ပြန်နောက်ကျနေပြီဖြစ်တာကြောင့် ကျနော့်ချစ်သူရဲ့အိမ်က သူ့ကိုဖုန်းလှမ်းလှမ်းဆက်နေပြီ။ သူ့အိမ်နဲ့ ဖုန်း တစ်ခါပြောပြီးတိုင်း ကျနော့်ဘက်လှည့်လှည့်ပြီး ကားမြန်မြန်မောင်းဖို့ သတိနဲ့မောင်းဖို့ လှမ်းလှမ်းကြိမ်းတယ်။ ကျနော် မိုးပေါ်ကို မော့ကြည့်မိပြန်တယ်။ သူကလုပ်ပြန်ပြီလားလို့ လှမ်းမေးတယ်။ သူ့ကိုကျနော်ကြည့်လိုက်တယ်။ သူက လမ်းကို ပဲကြည့်လို့ ပြန်ပြောတယ်။ ကျနော် လမ်းကိုပြန်ကြည့်နေလိုက်တယ်။ တစ်ချက်တစ်ချက် သူလစ်ရင် ကျနော် မိုးပေါ်ပြန်ပြန် မော့ကြည့်တယ်။ လဟာ အရင်နေရာမှာ ရှိနေတုန်းပဲ။ တိုက်တန်းတွေ သစ်ပင်အုပ်တွေနဲ့ ကွယ်သွားတဲ့နေရာတွေကလွဲပြီး တခြားအချိန်တွေမှာ ကျနော်မြင်နေရတယ်။ ကျနော် အသေအချာမြင်နေရတယ်ဆိုတာ သေချာအောင် ကျနော်လုပ်လိုက် တယ်။ လထဲမှာ အရိပ်မည်းမည်းလိုဟာတွေ နည်းနည်းစီရွေ့နေတာကအစ ကျနော်မြင်အောင်ကြည့်လိုက်တယ်။ ပြီးတော့ မှ နောက်ဆုံးအကြိမ်အဖြစ် ကျနော့်ချစ်သူကို ကျနော်ထပ်ပြလိုက်တယ်။
`နောက်ဆုံးပဲနော်။ ကတိပေးတယ်။ ဟိုမှာကြည့် တွေ့ပြီလား။´ လို့ ထပ်မေးလိုက်တော့ သူကကျနော့်ကို ပြန်ကြည့်တယ်။ `ဘာမြင်ရလို့လဲ။ ကျမကိုပြောပြ။´ လို့ သူမေးတယ်။ ကျနော်က ကျနော်မြင်နေရတဲ့ ပုံစံအတိအကျကို သူ့ကိုပြောပြ လိုက်တယ်။ သူက ကျနော့်ကို မသကာင်္သလို နောက်ပြီးစိုးရွံ့သလို ကြောက်သလိုကြည့်ပြီး ကျနော်လက်ညွှန်ပြရာကို မယုံ သလို လှမ်းကြည့်တယ်။ ပြီးတော့ပြောတယ်။
`မမြင်ပါဘူး။ ရှင်စိတ်ထင်နေတာပါ။´
ကျနော်စိတ်ထင်နေတာ မဟုတ်ဘူးဆိုတာကို သူ့ကိုဘယ်လိုမှ သက်သေပြလို့မရဘူး။ သူညာနေတာလားလို့ ကျနော်တွေးလိုက်မိသေးတယ်။ ကျနော်နဲ့ သူတွဲနေတာ သုံးနှစ်လောက်ရှိပြီ။ တစ်ခါမှ သူကျနော့်ကို အသေးအဖွဲလေး တောင် မညာဖူး(သေး)ဘူး။ ဒါမှမဟုတ် ကျနော်မသိတာလည်း ဖြစ်နိုင်တယ်။ ဒါမှမဟုတ် ကျနော်မသိချင်ယောင်ဆောင် ပေးလိုက်တာလည်း ဖြစ်နိုင်တယ်။ ဒါမှမဟုတ် သူညာထားတာကို ကျနော်မေ့နေတာလည်း ဖြစ်နိုင်တယ် အမျိုးမျိုးပေါ့။ သေချာတာကတော့ ခုတစ်ခေါက်ကတော့ သူတကယ်မမြင်ဘူးဆိုတာပဲ။ ကျနော် တဖြည်းဖြည်းလန့်လာတယ်။ ကျနော့် ခေါင်းပေါ်က လကြီးဟာ ကျနော်စိတ်ထင်နေတာတဲ့လား။ ကျနော်တစ်ခါမှ ဒီလိုအနေအထားမရဖူးဘူး။ ကျနော်စိတ်ထင် နေတာလို့ တွေးမိလိုက်တော့ ကျနော်ပိုလန့်သွားတယ်။ မိုးပေါ်ကို ထပ်မော့ကြည့်မိတယ်။ လဟာ အရင်အနေအထား အတိုင်း အဲဒီမှာ။ ကျနော့်ကို သူငုံ့ကြည့်နေတယ်(လို့ ကျနော်ထင်လာတယ်)။ ကျနော်လုပ်သမျှ အလုပ်တိုင်းကို သူလိုက် ကြည့်နေသလို ကျနော်ထင်လာတယ်။ ကျနော် စတီယာရင်ကို ကွေ့လိုက်တယ်။ ကားနောက်မှန်ဝိုက်ဘာကို ဖွင့်လိုက် တယ်။ ၀ိုက်ဘာဟာ ကားမှန်ခြောက်သွေ့သွေ့အပေါ်မှာ အလုပ်လုပ်နေပြီ။ ကားမှန်နဲ့ ၀ိုက်ဘာပွတ်တိုက်တဲ့ ကျွိ် ကျွိ အသံကို ကျနော်အခုထိ ကြားယောင်နေတုန်းပဲ။ နည်းနည်းကြာတော့ ကျနော့်ချစ်သူက ကျနော့်ကို စိတ်တိုလာဟန်ရှိ တယ်။
`အဲဒီဝိုက်ဘာကို ရှင်ပိတ်မလား။ ကျမကားပေါ်က ဆင်းသွားရမလား။´ လို့ သူမေးတယ်။ ကျနော့်လက်ရှိ စိတ် အတိုင်းအရသာဆိုရင်တော့ သူပြောတဲ့ ဒုတိယတစ်ခုကို သူ့ကိုရွေးခိုင်းလိုက်ဦးမလို့ပဲ။ ဒါပေမယ်လို့ အချိန်က ညဆယ့်တစ်နာရီ လေးဆယ့်ငါးရှိနေပြီ။ မိန်းကလေးတစ်ယောက်တည်း ကားလမ်းမတွေပေါ်မှာ မတ်တပ်ရပ်နေဖို့ သင့် တော်တဲ့အချိန် မဟုတ်တော့ဘူး။ ပြီးတော့ သူကကျနော့်ချစ်သူ။ ဆိုတော့ ကျနော် ၀ိုက်ဘာပိတ်ပေးလိုက်တယ်။ သူ ကျနော့်ကို မကျေမနပ်ကြည့်တယ်။ ကျနော် သူ့ကို ရွံ့တွံ့တွံ့ပြန်ကြည့်လိုက်တယ်။ သူ့မျက်နှာမှာ အရိပ်တစ်ခုပြောင်းသွား တယ်။
`ဘုရားစာရွတ်ပေးရမလား။´ လို့ သူမေးတယ်။ သူ့အတွေးကို ခန့်မှန်းမိတာကြောင့် ကျနော့်စိတ်ထဲမှာလည်း အတော်ကြီးတုန်လှုပ်မိတယ်။ ကျနော်တို့ ကားနောက်ခုံမှာ ကျနော်တို့ မမြင်ရတဲ့ သူတစ်ယောက်ယောက် ဒါမှမဟုတ် တစ်ယောက်ထပ်ပိုတဲ့ သူတွေများ ပါလာသလား။ ဒါမှမဟုတ် ကျနော်တို့နှစ်ယောက်ပဲ မမြင်ရတဲ့ သူတွေရှိနေတာလား။ ကားဟာ လေးလံလာသလိုခံစားရတယ်။ ကားနောက်ပိုင်းဟာ ကျနော်ဆွဲတဲ့နောက်မလိုက်တော့သလိုပဲ။ ခေါင်းထဲက ရုတ် တရက်ယားလာတယ်။ အိမ်မြှောင်တစ်ကောင် တရွေ့ရွေ့တက်လာနေသလို ကျောရိုးအလယ်ကနေ စပြီးခံစားလာရတယ်။ အဲဒီခံစားမှုဟာ ခေါင်း နောက်စေ့ထိရောက်လာတယ်။ ကျနော် လန့်ပြီး ခေါင်းကို အတင်းကုတ်ပစ်လိုက်တော့ အရေပြား နည်းနည်းလန်သွားပြီး ခေါင်းမှာစပ်သွားတယ်။ ကျနော် မိုးပေါ်ထပ်ကြည့်လိုက်တယ်။ ဟိုမှာ လ။ အနီရောင် မှည့်ရွဲရွဲကြီး။ ဒါကြီးက ကျနော်တစ်ယောက်တည်း မြင်နေရတဲ့ဥစ္စာကြီးလား။ ကျနော့်ချစ်သူကတော့ ဘာအကြောင်းနဲ့မှ လိမ်ပြောမယ် မထင်ဘူး။ ကျနော်လည်း လိမ်နေတာမဟုတ်ဘူး။ လဟာ ကျနော့်ခေါင်းနဲ့ နီးလာလိုက်၊ ဝေးသွားလိုက်နဲ့။
ကျနော် လမ်းကိုကြည့်လိုက်၊ လကိုကြည့်လိုက်နဲ့ တစ်ယောက်တည်း ဗြောင်းသတ်နေတယ်။ (ကျနော်မြင်နေရတဲ့) မိုးပေါ်ကလဟာ ယုံတမ်းဇာတ်လမ်းရုပ်ရှင်တချို့ထဲက အန်နီမေးရှင်းမပီပြင်တဲ့ တစ္ဆေတစ်ဦးရဲ့ မျက် လုံးနဲ့လည်း တူတယ်။ ဒီလိုတွေးမိတော့ ကျနော် ပိုကြောက်သွားတယ်။ ဒါပေမယ်လို့ ဘေးမှာ ကျနော့်ထပ်အားနွဲ့တဲ့ မိန်းမသားတစ်ဦးရှိနေတယ်ဆိုတဲ့ အချက်ကိုသတိရမိတာကြောင့် တုန်နေတဲ့ ကျနော့်လက်တွေကို သူရိပ်မိသွားမှာ သ်ိပ်စိုး ရိမ်နေရတယ်။ ကိုယ့်ကိုကိုယ်ထိန်းသိမ်းလေ၊ ပိုပိုပြီး စိတ်ထဲ တုန်လာလေဖြစ်လာတယ်။ မိုးပေါ် ထပ်မော့ကြည့်လိုက် တယ်။ မိုးပေါ်က ကျနော်တစ်ယောက်တည်း မြင်နေရတဲ့ အဲဒီအကောင်ကြီးက ကျနော့်နားကို ရောက်လာတယ်။ ကျနော် ကြောက်လန့်ပြီး လမ်းပေါ်ကို အကြည့်ပြန်လွှဲလိုက်တယ်။ ကားရှေ့မှာ လူတစ်ယောက် ဖြတ်ခနဲ ပြေးထွက်သွားတယ်။ ကျနော် `အားးးးးး´ လို့ အော်မိသေးတယ်ထင်တယ်။ ဘရိတ်ကိုလည်း ဆောင့်အုပ်ပစ်လိုက်တယ်။
ကျနော့်ဘေးက အမျိုးသမီးက `ဘာဖြစ်တာလဲ။ ဘာဖြစ်တာလဲ။´ လို့ အထိတ်တလန့်မေးတယ်။ ကျနော် လူကို တိုက်မိတယ် ထင်တယ် လို့ ပြန်ပြောတော့ ကားရှေ့မှန်ကို တစ်လှည့် ကျနော့်ကို တစ်လှည့် သူကြည့်တယ်။ သူကြည့်တာ က ခဏလေးပဲ။ ဆတ်ခနဲ သူထိုင်ခုံခါးပတ်ဖြုတ်ပြီး တံခါးဖွင့်ဆင်းသွားတယ်။ ကျနော်လည်း လိုက်ဆင်းသွားချင်ပေမယ်လို့ ရင်ဘတ်နဲ့ ခြေထောက်တွေက တဆတ်ဆတ်တုန်နေတာနဲ့ ကျနော် မဆင်းလိုက်နိုင်ဘူး။ ပေမယ်လို့ ကျနော်ကြောက်နေတာကို ကျနော်ပြန်ကြားနေရတယ်။ သူဆင်းသွားတော့ ကျနော်တိုက်မိတဲ့ လူကို အခြေအနေသွားကြည့်တာ ဖြစ်မယ်လို့ ကျနော်ထင်လိုက်မိသေးသားပဲ။ ဒါပေမယ်လို့ သူက ဘာကိုမှမကြည့်ဘဲ ဆက်လျှောက်သွားတယ်။ ကျနော် ရုတ်တရက် ကြောင်သွားတယ်။ ကားထဲကလည်း မထွက်ရဲဘူး။ ခဏနေတော့ သူကျနော်နဲ့ နည်းနည်းဝေးဝေးကို ရောက်နေပြီ။ သူဘာလို့ ဒီလိုလုပ်သွားတာလဲဆိုတဲ့ အတွေးလည်း တွေးမိသေးတယ်ထင်တယ်။ ကျနော် ကားအပြင်ကို ရောက် သွားတယ်။ ကားရှေ့မှာ မှောက်လျက်လဲနေမယ့်လူကို ကျနော်သွားကြည့်မိတယ် မရွံ့မရဲ။ ကျနော်တိုက်မိထားတဲ့ နေရာမှာ ဘယ်သူမှ မရှိဘူး။ သွေးကွက်တွေ စွန်းပေနေတာလည်း မရှိဘူး။ ရုတ်တရက် ထပြေးသွားတာမျိုးလည်း မဖြစ်နိုင်ဘူး။ ဒါမှမဟုတ် ကျနော်တိုက်မိတာ လူမဟုတ်ဘူးလား။ ဒါဆိုရင် ကျနော်တိုက်မိတဲ့နေရာမှာ မရှိတော့ဘဲ ကျနော့်ကားထိုင်ခုံ တွေပေါ် ရောက်နေမလား။ ကျနော်ကားရပ်လိုက်တဲ့နေရာမှာ လမ်းမီးက ကျွမ်းနေတယ်။ အတော်ဝေးဝေးမှာမှ လမ်းမီးတိုင် တစ်တိုင်ရှိတယ်။ ကျနော့်ချစ်သူက အဲဒီလမ်းမီးတိုင်အောက်တောင် ရောက်သွားပြီ။ ကျနော် ကားထိုင်ခုံတွေပေါ်ကို အလျင်အမြန်ပြန်ကြည့်လိုက်မိတယ်။ ဘယ်သူမှ မရှိဘူး။ ဒါမှမဟုတ် ဘယ်သူရှိနေတာကိုမှ ကျနော်မတွေ့ဘူး။ ဒါမှမဟုတ် သူ(တို့)ရှိနေတာကို ကျနော် မမြင်ဘူး။ ဒါမှမဟုတ် သူ(တို့)ရှိနေတာကို ကျနော် မမြင်ရဘူး။ ကျနော်ရှိနေတာကို သူ(တို့) မမြင်ရတာမျိုးလည်း ဖြစ်နိုင်တာပဲ။ ကျနော် ပိုပိုကြောက်လာတယ်။ အပြင်ထွက်လိုက်တော့ ကားတွေက လမ်းပေါ်မှာ အတော်ခမ်းနေပြီ။ လမ်းမမည်းမည်းကြိးပေါ်မှာ ဘာမှန်းမသိတဲ့ အခြေအနေ နဲ့ ကျနော်ရယ်၊ ကားရယ် ၊ ဘေးက အမှောင်တွေရယ်။ အဲဒီအမှောင်တွေထဲမှာ ခုနက တိုက်မိတဲ့သူလည်း ရှိချင်ရှိမှာပေါ့လေ။ ဒါပဲရှိတော့တယ်။ နည်းနည်းဝေးဝေးကို မျှော်ကြည့်လိုက်တော့ ကျနော့်ချစ်သူကို ခုနလမ်းမီးတိုင်အောက်မှာပဲ တွေ့ရသေးတယ်။ ကျနော် ကားထဲ အမြန်ဝင်ပြီး သူရှိရာကို အမြန်မောင်းလာခဲ့လိုက်တယ်။ ခုန တိုက်မိတဲ့နေရာကိုတော့ ကျနော်ရှောင်လာခဲ့ပါတယ်။
ကျနော့်ကားရောက်လာတော့ ကျနော့်ချစ်သူက မှုန်ကုပ်ကုပ်နဲ့ ကားထဲပြန်ဝင်ထိုင်တယ်။ `ကျမ စိတ်ကောက် မယ်မှန်းသိရင် ဘာလို့အစောကြိးကတည်းက မဟုတ်ကဟုတ်ကတွေ လျှောက်တွေးလျှောက်လုပ်နေတာလဲ။´ လို့ မေး တယ်။ နှုတ်ခမ်းကိုထော်ထားတယ်။ သူစိတ်ကောက်လို့ ကျနော် နောက်ကလိုက်ချော့ဖို့ လိုက်လာတာမဟုတ်ဘူးဆိုတာကို ကျနော် သူသိအောင် မပြောပြလိုက်ဘူး။ ဒါမှမဟုတ် ဘာမှန်းမသိတဲ့ အဲဒီလို နေရာစိုစိုမှောင်မှောင်ကြီးမှာ ကျနော် မနေချင်/ရဲလို့ သူ့နောက်ပြေးလိုက်လာတာဆိုတာကို ကျနော် သူသိအောင် မပြောပြလိုက်ဘူး။ ခုနက လူကိုတိုက်မိသွားတာကို သူမသိလိုက်ဘူးလား။ ဒါမှမဟုတ် ကျနော့် လိုပဲ ကျနော်တိုက်လိုက်မိတဲ့သူကို သူမမြင်လိုက်ဘူးလား။ သူ ကျနော်ငိုင်နေတာကို တွေ့တော့ ရေသောက်မလားလို့ မေး တယ်။ ကျနော် ခေါင်းညိတ်ပြလိုက်တော့ အသင့်ပါလာတဲ့ အရည်ပျော်လက်စ ရေခဲဘူးကို ဖောက်ပြီး ကျနော့်ကို တိုက်တယ်။ ကျနော် ရေသောက်လိုက်တော့ ရေအေးအေးတွေဟာ ကျနော့်လည်ချောင်းခြောက်ခြောက်ထဲကို စူးတူးတူး ရှ တတနဲ့ ဖောက်ပြီး ၀င်သွားတယ်။ ၀မ်းထဲရောက်သွားတော့ နည်းနည်းတော့ စိတ်ငြိမ်သွားသလို ခံစားရသား။ ကျနော် ရေသောက်နေတာကို သူအသေအချာကြည့်နေပြီး ကျနော့်ရင်ဘတ် နှလုံးသားနေရာကို ဖိထားပေးတယ်။ ကျနော် ဘာမှ မဖြစ်သလို နေနေပေမယ်လို့ ခုန်နေတဲ့ ရင်တဆတ်ဆတ်ကို သူစမ်းမိသွားတာကိုတော့ ကျနော်နည်းနည်းရှက်သွားမိတယ် ။
ခဏနေတော့ သူမောင်းမယ်လို့ ကျနော့်ကို သူပြောတယ်။ ကျနော် ရပါတယ်လို့ ပြောလိုက်မိပေမယ်လို့ ပါးစပ် က အဲဒီစကားသံထွက်သွားသလား မထွက်သွားဘူးလား ကျနော် မသေချာဘူး။ ကျနော်နဲ့ သူနေရာလဲလိုက်တယ်။ သူက ခါးပတ်သေချာပတ်ထားလို့ ပြောတယ်။ သူကားမောင်းတာကို ကျနော် အခုနဲ့မှ နှစ်ခါပဲမြင်ဖူးသေးတယ်။ သူဟာ ကား မောင်းလေ့မရှိဘူး။ `ကျမ ကားမောင်းရမှာ ကြောက်တယ်ဆိုတာ ရှင်သိတယ်မဟုတ်လား။´ လို့ ကားမောင်းရင်း ကျနော့် ကို သူလှည့်မေးတယ်။ ကျနော် ခေါင်းညိတ်ပြလိုက်တယ်။ တစ်ဖက်ကလည်း မိုးပေါ်မော့မကြည့်ဖြစ်အောင် ကိုယ့်ကိုကိုယ် သတိပေးနေရသေးတယ်။ ဒါပေမယ်လို့ အဲဒီလလိုလို အကောင်နီနီပြုတ်ပြုတ်ကြီးက ကျနော့်မျက်လုံးထဲမှာ စွဲနေတုန်းပဲ။ ကျနော့်ချစ်သူဟာ တစ်မျိုးတော့တစ်မျိုးပဲ။ သူက ကားမောင်းရမှာကို ကြောက်တယ်။ ဒါပေမယ်လို့ စပိဘုတ်မောင်းတဲ့ နေရာမှာတော့ အတော်ကျွမ်းကျင်တယ်။ အမြဲလိုလိုလည်း စပိဘုတ်မောင်းဖို့ကို စိတ်အားထက်သန်နေလေ့ရှိတတ်တယ်။ ဒါပေမယ်လို့ သူလုံးဝရေမကူးတတ်ဘူး။ မတော်လို့ မောင်းလာတဲ့စပိဘုတ် မတော်တဆတစ်ခုခုဖြစ်ပြီး သူရေထဲ ပြုတ်ကျ သွားမယ်ဆိုရင် သူဘယ်လိုရုန်းကန်မလဲဆိုတာကို ကျနော်မသိဘူး။ ရေမကူးတတ်တဲ့လူတစ်ယောက်အဖို့ ဒါဟာ အသက် အန္တရာယ်ကြီးပဲ။ ကားကမှ မတော်တဆဖြစ်ရင် ခြေထောက်နှစ်ချောင်းရှိနေသေးတဲ့အတွက် လမ်းပေါ်ဆင်းပြေးမယ်ဆို ဆင်းပြေးလို့ ရဦးမယ်။ သူ့စပိဘုတ်ကြီးကမှ …။ သူ ကျနော့်ကို စကားတွေတော့ ပြောတော့ပြောနေတယ်။ ကျနော် မကြားဘူး။ ကျနော်မကြားဘူးဆိုတာကိုလည်း သူသိနေသားပဲ။ ဒါပေမယ်လို့ ဆက်ပြောနေတုန်းပဲ။ ကျနော် စိတ်သက်သာ ရာရအောင် သူပြောနေတာ(လို့ထင်ရ)ပေမယ်လို့ ကျနော် စိတ်မသက်သာဘူး။ ခုနက တိုက်မိတဲ့လူ၊ မိုးပေါ်က အနီ ၀ါဝါကောင်ကြီး။
သူ ကျနော့်ကို အိမ်ထိလိုက်ပို့ပေးမယ်။ ပြီးမှ သူအိမ်ပြန်တော့မယ် ကျနော့်ကားကို ယူသွားမယ်လို့ ပြောတယ်။ ကျနော် ခေါင်းညိတ်ပြလိုက်တယ်။ သူ့ကို ဒီလိုအချိန်မှာ ညကြီးအချိန်မတော် တစ်ယောက်တည်း အိမ်ိပြန်လွှတ်လိုက်ရမှာ ထပ် ကျနော် အသက်ရှူလို့ မရတော့မှာကို ပိုကြောက်လာတယ်။ အခြေအနေအရလည်း သူက ကျနော့်ထပ်ပိုပြီး အခြေ အနေကောင်းနေပုံပဲ။ ကျနော် သူ့ကိုပုံအပ်လိုက်တယ်။ စိတ်ချလိုက်တယ်။ ထိုင်ခုံကို နောက်လှန်လိုက်ပြီး ကျနော် နည်း နည်းမှေးဖို့ ကြိုးစားတယ်။ မမှေးနိုင်ပါဘူး။ ပိတ်ထားတဲ့ မျက်ခွံတွေအောက်က ကျနော့်မျက်လုံးတွေပွင့်နေတာကို ကျနော် သတိထားမိနေတယ်။ အဲဒီပွင့်နေတဲ့ မျက်လုံးတွေဟာ မိုးပေါ်က လကိုကြည့်နေကြတယ်။ ကြည့်ဖို့ အားထုတ်နေကြတယ်။ ကျနော် ဒါကို ခွင့်မပြုနိုင်ဘူး။ ဒါကြီးကို ကျနော်တစ်ယောက်တည်း မြင်နေရတာကိုလည်း မနှစ်မြို့ဘူး။ ကြောက်တယ်။
ကျနော် ခဏအိပ်ပျော်သွားသလားပဲ။ ကျနော့်အိမ်နားကို ရောက်လာတာ ကျနော်မသိလိုက်ဘူး။ အိမ်က မြို့မစွန့်တစွန်က အိမ်ယာသစ်တစ်ခုပါ။ ကျနော်တို့ ၀င်းထဲမှာ ဆောက်လက်စ တိုက်တွေလည်းရှိနေသေးတယ်။ နေတဲ့လူတွေကလည်း နေနေကြပြီ။ အိမ်ယာဝင်းထဲကို သူလိုက်ပို့ တော့ ရုတ်တရက် သူဝမ်းသာသွားတဲ့ပုံနဲ့ အသံတစ်သံ ရေရွတ်တယ်။ ကျနော် ဆတ်ခနဲလန့်သွားပြီး သူ့ကိုကြည့်လိုက်တော့ သူမိုးပေါ်ကို လက်ညှိုးထိုးပြတယ်။
`ဟိုမှာ .. ´ လို့ သူ ပြောတယ်။ သူလက်ညှိုးပြရာမှာ ကျနော်မြင်ထားတဲ့ လကြီး။ `မင်းမြင်သွားပြီလား။´ လို့ မေးတော့ ` ဟုတ်တယ်။ ကျမ ခုမှမြင်တာ။ ခုမှ မြင်ကွင်းရှင်းတယ်လေ။ ဟုတ်ပ။ ရှင်ပြောတဲ့အတိုင်းပဲ။ အနီနှစ်ရဲရဲပျစ်ပျစ်ကြီး ။ ရွံ စရာ ကြီး။´ လို့ သူပြောတယ်။
ကျနော်ကျေနပ်သွားတယ်။ အနည်းဆုံးတော့ ကျနော်စိတ်ထင်နေတာမဟုတ်ဘူးဆိုတာကို သူသိသွားပြီ။ ကားက ကျနော့်တိုက်ခန်းအောက်မှာ ရပ်လိုက်တယ်။ ကျနော်တို့နှစ်ယောက်လုံး ကားထဲက ထွက်လိုက်တယ်။ သူကျနော့်ကို တွဲ ထားတယ်။ အခန်းထိ ကျနော့်ကို လိုက်ပို့ပေးမယ်လို့ ပြောတယ်။ ကျနော် ရပါတယ်လို့ ပြန်ပြောလိုက်တယ်။
`ရှင့်ကို အထင်လွဲမိလို့ ရှင်စိတ်ညစ်သွားရတာ တောင်းပန်ပါတယ်။´ လို့ သူပြောတယ်။ ရပါတယ်။ ကျနော်မြင်သလို သူမြင်ရတယ်ဆိုရင် ပြီးပြီပဲ။ ကျနော့်ကိုယ်ကျနော် ကျေနပ်သွားတယ်။ ရပါတယ်လို့ ကျနော်သူ့ကို ပြော လိုက်တယ်။ သူပြန်တော့မယ်လို့ ကျနော့်ကို နှုတ်ဆက်တယ်။ အပေါ်တက်တော့လေလို့လည်း ထပ်ပြောတယ်။ ကျနော် သူ့ကို လက်ပြလိုက်တယ်။ ခေါင်းလည်းညိတ်ပြလိုက်တယ်။ သူကားကို ၀ူးခနဲမောင်းထွက်သွားတယ်။ `မိုးပေါ် မော့မကြည့်နဲ့တော့နော်။´ လို့ ကျနော် လှမ်းအော်လိုက်တာကို သူကြားသလိုလို လက်ပြန်ပြသွားတယ်။ ကျနော် တိုက်ခန်းပေါ် ပြန်တက်ဖို့ သံပန်းတံခါးကို ဖွင့်လိုက်တယ်။ ဖွင့်လိုက်ပြီးမှ မ၀င်ဖြစ်သေးဘဲ မိုးပေါ်မော့ကြည့်ဖို့ တွေးလိုက်မိသေး။ ကျနော်တစ်ယောက်တည်း ရှိတော့တယ်ဆိုတဲ့ ခံစားချက်က ရုတ်တရက်ခေါင်းထဲ ၀င်လာတော့ ကျနော် သံပန်းနောက်ထဲ ချက်ချင်းပဲ ခုန်ဝင်ပစ်လိုက်တယ်။ သူကတော့ ထွက်သွားပါပြီ။ သူလည်း တစ်ယောက်တည်း ပြန်သွားရတာပဲဆိုတော့ ကျနော့်လိုပဲ ကြောက်နေဥိးမလား။ ခုနက ကျနော် တိုက်မိထားတဲ့သူ သူ့နောက်ထိုင်ခုံမှာ ၀င်ထိုင်နေမှာကိုတော့ စိုးရိမ်မိသား။ ကိစ္စတော့ သိပ်မရှိသလိုပါပဲ။ သူကရေမကူးတတ်ပေမယ်လို့ လိုအပ်ရင် ပြေးဖို့လွှားဖို့ ခြေထောက်နှစ်ချောင်းတော့ရှိနေသေးတယ်လေ။

ချိုပိန်းနောင်

ပင်မစာမျက်နှာသို့ပြန်သွားမည် >>