Lotayamm

search
မာတိကာ

contents

ထိပ်ဆုံးစာမျက်နှာ > ဝတ္ထုများ

ခေါင်းလောင်းသံ မကြားလိုက်တဲ့ ကျီးကန်း
Chapter 1
တာရာမင်းဝေ

တစ်ခါက ကျီးကန်းတွေရဲ့ စာသင်ကျောင်းမှာ ဆရာမကြီးက တပည့်တွေကို ဆုံးမတယ်။

" မင်းတို့အားလုံး ငါပြောတာကို ကြားတယ်မဟုတ်လား "

" ကြားပါတယ် ဆရာမကြီး "

" အေး ... ဒီပုံပြင်ထဲက ကျီးကန်းလို မမိုက်မဲမိကြစေနဲ့။ ဆင်သေကောင်ရဲ့ အသားကိုစားဖို့ မက်မောရင်း ပင်လယ်ထဲမှာ ဒုက္ခ ရောက်ရတယ်။ ကမ်းမမြင် လမ်းမမြင် သေသွားရတယ်။ ကျပ်ကျပ်သင်ခန်းစာယူကြ "

" ဟုတ်ကဲ့ပါ ဆရာမကြီး "

အဲဒီအချိန်မှာ စာသင်ခန်းထဲကို ရောက်မလာတဲ့ ကျီးကန်းလေးတစ်ကောင်လည်း ရှိတယ်။ ကျောင်းပြေးတာရယ်တော့ မဟုတ်ပါဘူး။ ကျောင်းတက်ခေါင်းလောင်းသံကို သူမကြားလိုက်တာပါ။ ရွာအပြင် မြစ်ဆုံက သစ်ပင်ကြီးတစ်ပင်ပေါ်မှာ သူ နားနေတယ်။ ကျီးကန်း မျက်စိမို့လို့ ဟိုကြည့် ဒီကြည့် ကြည့်ရင်း ရေထဲမှာ မျောပါလာတဲ့ အရာကြီးတစ်ခုကို သူမြင်လိုက်သတဲ့။

" ဟာ ဘာကြီးပါလိမ့် "

ထင်ထင်ရှားရှား တွေ့ရတော့ သူ အံ့ဩသွားတယ်။

" ဟာ ဆင်သေကောင်ကြီးပဲ "

ဆင်သေကောင်က လတ်လတ်ဆတ်ပဲ ရှိသေးတယ်။ အကြီးကြီး၊ အကြာကြီး စားလို့ရတယ်။ သူ ဝမ်းမြောက် ဝမ်းသာနဲ့ ဆင်သေကြီးဆီ ထိုးဆင်းသွားတာပေါ့၊ ဟိုတို့ ဒီဆိတ်နဲ့ မြိန်ရေရှက်ရေ စားသောက်ရင်း ဆင်သေကောင်ကြီးနဲ့အတူ ပင်လယ်ဆီ မျောပါသွားတော့ တယ်။

အဲဒီမြင်ကွင်းကို မြင်လိုက်တဲ့ ကျီးကန်းတချို့ရှိတယ်။

" ဟာ ဒီကောင်တော့ ဒုက္ခပါပဲ "

" ဟုတ်ပါရဲ့ တော်တော်မိုက်တဲ့ကောင်ပဲ "

အဲဒီသတင်းက ကျီးကန်းတွေရဲ့ ရွာထဲမှာ အုတ်အော်သောင်းတင်း ဖြစ်ကုန်တော့တယ်။ ဆင်သေနဲ့အတူ ပါသွားတဲ့ ကျီးကန်းလေး ကတော့ ဆင်သေအသားကို စားပြီး သူ့ဘာသာ ကျေနပ် အားရနေတယ်။ တဖြည်းဖြည်း ဆင်သေရဲ့ အသားက ကုန်ခန်းလာပြီး ကမ်းမမြင် လမ်းမမြင် အခြေအနေကို သုံးသပ်မိတော့မှ ....

" ဟာ ပြဿနာပဲ "

ဆင်သေက မကြာခင် လုံးလုံးလျားလျား ကုန်တော့မယ်။ အဲဒီအခါမှာ သူ့မှာ စားစရာလည်း မရှိတော့ဘူး။ နားစရာလည်း မရှိတော့ဘူး။ ဒေါင်လိုက်ပဲဖြစ်ဖြစ် အလျားလိုက်ပဲဖြစ်ဖြစ် ပင်လယ်ကို ဖြတ်ပြီး သူ မကူးနိုင်ဘူး။

" ငါ ဘယ်လို လုပ်ရပါ့မလဲ "

ကုသိုလ်ကံလေး နည်းနည်းကောင်းချင်တော့ တခြားတိရစ္ဆာန်အသေကောင်တွေ မျောလာတာနဲ့ ထပ်တိုးတယ်။ တစ်ကောင်ပြီး တစ်ကောင်ပေါ် ခုန်တက်လို့ နားရင်း စားရင်း သူ့အသက်ကို ရသလောက် ဆွဲဆန့်နေရတယ်တဲ့။

ကျီးကန်းတွေရဲ့ ရွာမှာတော့ သူ့အကြောင်းကို မေ့လျော့စပြုလာပါပြီ။ ကျီးမိုက်များရဲ့ စာရင်းထဲမှာ နာမည်သစ် တစ်ခုအနေနဲ့ပဲ သွင်းလိုက်ကြပါပြီ။ ဆင်သေကောင် မက်မောမိတဲ့ ကျီးကန်းအကြောင်းကို ပြောတိုင်း ဆရာမကြီးက သူ့ကို ဥပမာပြုပြီး ဆုံးမရ တော့တာပေါ့

အဲဒီလိုနဲ့ သုံးနှစ်လောက်အကြာမှာ...

" ဟင် မင်း မင်း ပြန်လာတယ် "

" ဟုတ်တယ်လေ ကျွန်တော် ပြန်လာတယ် "

" မင်း မင်း ဆင်သေကောင်ကြီးနဲ့ ပါသွားတာ မဟုတ်လား "

" ဟုတ်တယ်လေ၊ အခု ရွာကို သတိရလို့ ပြန်လာတာ "

ဆင်သေကောင်နဲ့ ပါသွားတဲ့ ကျီးကန်းလေးက ရွာကိုပြန်ရောက်လာပါတယ်။ အတက်ချီကေ့စ်ကို ဆွဲပြီး နိုင်ငံခြားဖြစ် အကောင်းစား မျက်မှန်နဲ့ အကောင်းစား အဝတ်အစားတွေနဲ့ တစ်ကိုယ်လုံးကို ဖိတ်ဖိတ်တောက်လို့။

" ဘယ်လိုတွေ ဖြစ်သလဲကွာ။ နည်းနည်းရှင်းပြပါဦး "

ရွာသားကျီးကန်းတွေက သူ့ကို ဝိုင်းအုံပြီး မေးကြတယ်။ သူက စီးကရက်ကို ပါးစပ်မှာခဲပြီး အကောင်းစား မီးခြစ်နဲ့ ထောက်ခနဲ မီးညှိ လိုက်တယ်။ ဘောင်းဘီပေါ်မှာ တင်နေတဲ့ ဖုန်မှုန့်ကလေးကို တောက်ထုတ်လိုက်ပြီး သူ့အကြောင်းတွေကို ရှင်းပြတယ်။

" ..... အဲဒီလိုနဲ့ဗျာ တစ်နေ့ကျတော့ ပင်လယ်ကူး သင်္ဘောတစ်စင်းနဲ့ ကျွန်တော် သွားတွေ့တယ်။ သူတို့က ကျွန်တော့ကို လေကြောင်းအရာရှိအဖြစ် ခန့်အပ်လိုက်တယ်။ အဲဒီလိုနဲ့ပဲ ကျွန်တော်လည်း ကမ္ဘာပတ်နေလိုက်တယ်။ ရွာကိုလည်း သတိရတာနဲ့ ဒီတစ်ခေါက်တော့ ဝင်ဖြစ်အောင် လှည့်ဝင်လာတာ မနက်ကပဲ လေယာဉ်ဆိုက်တာလေ "

နောက်တော့ သူ့ဆီမှာပါတဲ့ နိုင်ငံတကာ အသုံးအဆောင်ပစ္စည်းတွေကို လက်ဆောင်လိုက်ပေးတယ်။ ကျေးဇူးတင်စကား ပြန်ပြောကြ၊ လက်ဆောင်ပစ္စည်းတွေကို ပိုက်ပြီး အူမြူးကြနဲ့ အဲဒီညကဆို ကျီးကန်းတွေ တစ်ရွာလုံး အိပ်လို့တောင်မရဘူးတဲ့။

မနက် မိုးလင်းတော့ ဆရာမကြီးက ကျောင်းကို ဖွင့်တယ်။

" ဂလောင် ဂလောင် ဂလောင် ... "

ခေါင်းလောင်းခေါက်ပေမယ့် တပည့်တွေက ရောက်မလာဘူး။

" ဘယ်လိုဖြစ်တာပါလိမ့် "

ဆရာမကြီးဟာ ကြိမ်လုံးဆွဲပြီး သူ့တပည့်တွေကို ရွာထဲမှာ လိုက်ရှာတယ်။ မတွေ့ဘူး။ တွေ့မယ်တွေ့တော့ ရွာအပြင် မြစ်ဆုံက သစ်ပင်ကြီးပေါ်မှာ .... သူ့တပည့်တွေအားလုံး စီစီရီရီနားလို့။

ဆရာမကြီးက ဒေါသတကြီး မေးလိုက်တယ်။

" မင်းတို့ ခေါင်းလောင်းခေါက်တာကို မကြားဘူးလား "

အားလုံးက ပြန်ဖြေတယ်။

" မကြားလိုက်ပါဘူး "

" နေပါဦး ... မင်းတို့က အဲဒီမှာ ဘာလုပ်နေကြတာလဲ "

သည်တစ်ခါ ပြန်ဖြေတော့လည်း ညီတူညာတူပါပဲ။

" ဆင်သေကောင်ကို စောင့်နေတာ "

တာရာမင်းဝေ

ပင်မစာမျက်နှာသို့ပြန်သွားမည် >>